وتانعا ورالدى
![](https://astana-akshamy.kz/wp-content/uploads/2021/11/news6203.jpg)
1991 جىلدان بەرى رەسپۋبليكاعا 1 ميلليون 86,2 مىڭ ەتنيكالىق قازاق ورالدى. قازىرگى تاڭدا 15 903 ادام تاريحي وتانىندا قانداس مارتەبەسىن الدى.
وسى جىلدىڭ باسىنان قانداستاردىڭ جارتىسىنان كوبى (76,3%) قازاقستانعا وزبەكستاننان كەلگەن, 9,5% – قىتايدان, 6,1% – تۇرىكمەنستاننان, 2,5% – موڭعوليادان جانە 5,5% باسقا ەلدەردەن. كەلگەن ەتنيكالىق قازاقتار نەگىزىنەن, الماتى (28,3%), تۇركىستان (13,4%), ماڭعىستاۋ (19,1%) جانە جامبىل (8%) وبلىستارىنا, سونداي-اق شىمكەنت (10,5%) قالاسىنا قونىستاندى.
بۇگىندە ەڭبەككە قابىلەتتى جاستاعى ەتنيكالىق قونىس اۋدارۋشىلار سانى 55%-دى, ەڭبەككە قابىلەتتى جاستان كىشىلەرى 28,1%-دى جانە زەينەتكەرلەر 16,8%-دى قۇرايدى. ەڭبەككە قابىلەتتى جاستاعى قانداستاردىڭ ىشىنەن ءبىلىم دەڭگەيى بويىنشا 11,1% جوعارى ءبىلىمدى, 40,1% ورتا كاسىبي ءبىلىمدى, 45,5% جالپى ورتا ءبىلىمدى جانە 3,4% ءبىلىمى جوق.