«جاھاندانۋ جاعدايىنداعى ينفەكتسيالىق اۋرۋلار: سىن-قاتەرلەر مەن شەشىمدەر» اتتى ءىى قازاقستاندىق ينفەكتسيونيستەر كونگرەسى ەلوردادا ءوتتى. ەكى كۇندىك شارادا وسى سالاداعى جەتەكشى ساراپشىلار مەديتسينا مەن دەنساۋلىق ساقتاۋداعى جاھاندىق پروبلەمالاردى ەسكەرە وتىرىپ, اتالعان باعىتتاعى ەڭ وزەكتى جانە باسىم ماسەلەلەردى تالقىلادى.
كونگرەستە ءسوز العان دەنساۋلىق ساقتاۋ ءمينيسترى الەكسەي تسوي 230 ميلليوننان استام ادام جۇقتىرعان جانە 5 ميلليوننان استام ادامنىڭ ءومىرىن قيعان كوروناۆيرۋس ينفەكتسياسى پاندەمياسى كەزىندە الەم تاپ بولعان جاھاندىق سىن-قاتەرلەرگە توقتالدى. الەمدىك قوعامداستىق ەكونوميكانى جانە دەنساۋلىق ساقتاۋ جۇيەسىن قايتا قۇرۋعا ءماجبۇر بولدى, ۇلكەن سىناقتاردى باستان كەشىردى جانە بارلىق كۇش-جىگەرىن كوروناۆيرۋسپەن كۇرەسۋگە باعىتتادى. «بۇگىندە دەرت 8 مىڭنان 2 مىڭعا دەيىن ازايدى, بۇل ارىپتەستەرىمىزدىڭ, ءبارىمىزدىڭ بىرلەسكەن جۇمىسىمىزدىڭ ارقاسىندا مۇمكىن بولدى. وسىعان قاراماستان جۇمىس جالعاسۋدا, مساك, ياعني مەديتسينالىق-سانيتارلىق العاشقى كومەككە اسا نازار اۋدارىلۋدا, ءموبيلدى توپتاردىڭ جۇمىسى جەتىلدىرىلۋدە, سكرينينگتەر, ۆاكتسيناتسيا جۇمىستارى جانداندىرىلۋدا» دەپ اتاپ ءوتتى ا.تسوي.
دەنساۋلىق ساقتاۋ جۇيەسى تاپ بولعان سىن-قاتەرلەردى ەسكەرە وتىرىپ, مينيسترلىك ءوز قىزمەتىنىڭ نەگىزگى باسىمدىقتارىن قالىپتاستىردى, ولار حالىققا مەديتسينالىق قىزمەت كورسەتۋ ساپاسىن ارتتىرۋ جونىندەگى جۇمىستى كۇشەيتۋگە, باستاپقى مەديتسينالىق كومەكتى ۇيىمداستىرۋ تاسىلدەرىن تۇبەگەيلى قايتا قاراۋعا, كولىك مەديتسيناسىن ارتتىرۋعا, ءىرى زاماناۋي اۋرۋحانالار, سونداي-اق بارلىق وڭىرلەردە ينفەكتسيالىق ستاتسيونارلار سالۋعا, اۋىل تۇرعىندارىن فەلدشەرلىك-اكۋشەرلىك پۋنكتتەرمەن جانە دارىگەرلىك امبۋلاتوريالارمەن قامتاماسىز ەتۋگە, مەديتسينا قىزمەتكەرلەرىنىڭ جالاقىسىن ارتتىرۋعا, مەديتسينالىق ۇيىمداردى كادر رەسۋرستارىمەن قامتاماسىز ەتۋگە باعىتتالعان.
