باس قالادا «Debat Eli» قوعامدىق قورىنىڭ اشىلۋى ءوتتى. باستى ماقسات – ەلىمىزدىڭ بەلسەندى پىكىرسايىس قاتىسۋشىلارى ءۇشىن رەسپۋبليكالىق جانە حالىقارالىق دەڭگەيدە دامۋعا مۇمكىندىك بەرۋ.
ءىس-شاراعا قازاقستان جاستارى كونگرەسىنىڭ اتقارۋشى ديرەكتورى باقداۋلەت جاندىلداەۆ, استانا قالاسى اكىمدىگى جاستار ۇيىمدارىمەن جۇمىس ءبولىمىنىڭ باسشىسى اجار سارگۋبەنوۆا, رەسپۋبليكالىق قوسىمشا ءبىلىم بەرۋ وقۋ-ادىستەمەلىك ورتالىعىنداعى دەباتتار قوزعالىسى جونىندەگى جوبالىق كەڭسەنىڭ ساراپشىسى نۇركەن داۋلەت, سونداي-اق ەلوردانىڭ وقۋشىلار سارايىنىڭ «ۇشقىر وي» پىكىرسايىس قوزعالىسىنىڭ وكىلدەرى جانە قالانىڭ پىكىرسايىس كلۋبتارىنىڭ بەلسەندى پىكىرسايىسشىلارى قاتىستى.
«Debat Eli» قوعامدىق قورىنىڭ ديرەكتورى جانەركە شايمەردەن دەبات ويىندارىن وتكىزۋدىڭ ماڭىزى مەن ۇيىمنىڭ نەگىزگى قىزمەتىنە كەڭىرەك توقتالدى.
«پىكىرسايىس ءبىلىم بەرۋ تەحنولوگياسى رەتىندە جاڭا بۋىن كوشباسشىلارىن قالىپتاستىرۋعا ىقپال ەتەدى. دەبات ارقىلى جاستار سىني ويلاۋ, كوشباسشى بولۋ, اڭگىمەلەسۋشىنى تىڭداۋ مەن ءتۇسىنۋ سەكىلدى قابىلەتتەردى يگەرەدى. ءبىز ەل ىشىندە عانا ەمەس, وزگە مەملەكەتتەردە دە پىكىرسايىس قوعامداستىعىن دامىتۋ, قازاقستاننىڭ بارلىق پىكىرسايىسشىسى ءۇشىن ۇلكەن حابقا اينالۋ جانە حالىقارالىق پىكىرسايىس قوعامداستىعىنا مۇشە بولۋدى كوزدەپ وتىرمىز» دەدى ج.شايمەردەن.
جيىن بارىسىندا جاڭا بۋىن جاستارى ءارتۇرلى تاقىرىپتا پىكىرسايىس وتكىزۋدىڭ ماڭىزىنا, تانىمدىق داعدىلاردى دامىتاتىن دەباتتىڭ ترەندكە اينالعانىن ءسوز ەتتى. قوعامدىق قور 2026 جىلى استانا قالاسىندا ستۋدەنتتەر اراسىندا دەباتتان ەۋروپا چەمپيوناتىن ۇيىمداستىرۋدى جوسپارلاپ وتىر.
