مەملەكەتتىك جانە قۇقىق قورعاۋ ورگاندارىنىڭ باسشىلارى, مەنشىك يەلەرى بىرلەستىگىنىڭ (ميب) جەتەكشىلەرى ءۇي مۇلكىن قورعاۋ جانە ءورت قاۋىپسىزدىگىنىڭ الدىن الۋ تاقىرىبىنداعى دوڭگەلەك ۇستەلدە وزەكتى ماسەلەلەردى تالقىلادى.
مۇلىك يەلەرى بىرلەستىگى ورتالىعىنىڭ ديرەكتورى گۇلۆيرا ابەتوۆانىڭ سوزىنشە, بۇل – وسى تاقىرىپتا وتكىزىلىپ وتىرعان ەكىنشى دوڭگەلەك ۇستەل.
– تۇرعىن ۇيلەردىڭ تەحنيكالىق قاباتى مەن جەرتولەسىندە ورنالاسقان زاڭسىز ورىنداردى شەكتەۋ, ەسىرتكىنىڭ تارالۋى مەن ءۆانداليزمنىڭ الدىن الۋ ماڭىزدى. ءورت قاۋىپسىزدىگى ەرەجەلەرىن ساقتاۋ, رۇقسات ەتىلمەگەن اۋماقتا تەمەكى شەگۋ, دورەكى مىنەز-قۇلىق كورسەتۋدە بىرلەسە اتقاراتىن ءىس-شارالار تۋرالى اقىلداسۋ ءۇشىن جينالىپ وتىرمىز, – دەدى گۇلۆيرا ابەتوۆا.
استانا قالاسىنىڭ تۇرعىن ءۇي جانە تۇرعىن ءۇي ينسپەكتسياسى باسقارماسى ۇيىمداستىرعان ءىس-شارا اشىق پىكىرتالاسقا ۇلاسىپ, قۇقىق قورعاۋ سالاسىنىڭ باسشىلارىنا سۇراقتار قويىلدى.
ميب باسشىسى دينارا سەرىكبايدىڭ ايتۋىنشا, نۇرا اۋدانىنداعى تۇرعىن ۇيلەردىڭ كوبىسىنە پوليتسيا قىزمەتكەرى بەكىتىلمەگەن, سوندىقتان ولارمەن كەرى بايلانىس ورناتۋ ءتيىستى دەڭگەيدە ەمەس. قالا تۇرعىنى زاۋرەش ابديەۆا «ءوزىمىزدىڭ تۇرعىن ۇيگە قاناتقاقتى جوبا رەتىندە IP-پانەل ورناتىپ, ۇرلىق پەن ءۆانداليزمدى ازايتتىق» دەدى.
دوڭگەلەك ۇستەلگە قاتىسۋشىلار تۇرعىن ءۇي اۋماعىنداعى ۆەلوسيپەد پەن قول اربانىڭ ءجيى ۇرلاناتىنىن, اۆتوتۇراقتاردا بىرنەشە ايدان بەرى جۇرمەيتىن كولىكتەر كوپ ەكەنىن, ولار تازالاۋ كەزىندە كەدەرگى كەلتىرەتىنى ءسوز بولدى.
مەنشىك يەلەرى بىرلەستىگىنىڭ جەتەكشىلەرى تۇرعىن ءۇي اۋماعىنداعى زاڭسىزدىقتار انىقتالىپ, ايىپپۇل سالىنسا, ماسەلە وزىنەن-ءوزى شەشىلەتىنىن ايتىپ, پوليتسيا جانە توتەنشە جاعدايلار قىزمەتىنىڭ باسشىلارىن باتىل شەشىم شىعارۋعا شاقىردى.
