بۇكىلالەمدىك قورشاعان ورتانى قورعاۋ كۇنىنە وراي قالالىق اكىمدىكتىڭ قولداۋىمەن ەۋرازيالىق توپ (ERG) قازاقستاندىق «بيوپاكەت» كومپانياسىمەن بىرلەسىپ, «بۇگىننەن باستا, پوليەتيلەندى تاستا» اتتى ەكولوگيالىق شارا وتكىزدى.
شارا بارىسىندا استانداعى «Galmart», «كەڭمارت», «الما» جانە «SMALL» سىندى ءىرى ساۋدا ورتالىقتارىنىڭ كاسسالارىندا تۇتىنۋشىلارعا ادەتتەگى پوليەتيلەن پاكەتتەرىنىڭ ورنىنا تابيعاتقا زالالسىز 50 مىڭ بيوپاكەت تەگىن تاراتىلدى.
– ءبىر رەتتىك پلاستيكالىق بۇيىمدارعا ءبىز شەكتەن تىس اۋەستەنىپ كەتتىك. ءوز كەزەگىندە مۇنىڭ جەر شارىنا زالالى وراسان. ءماسەلەن, ءار مينۋت سايىن الەمدە
1 ميلليون پلاستيكالىق بوتەلكە ساتىلادى ەكەن. ادامزات جىل سايىن 5 تريلليون ءبىر رەتتىك پوليەتيلەن پاكەتتەرىن قولدانادى. ءبىز قولداناتىن پلاستيك بۇيىمداردىڭ تەڭ جارتىسى تەك ءبىر رەت پايدالانۋعا جارامدى بولسا, پلاستيكالىق ىدىستاردىڭ ۇشتەن ءبىرى جيناپ, قايتا وڭدەۋگە كەلمەيدى. ناتيجەسىندە قالا مەن ەلدى مەكەندەر ماڭىنا تاستالىپ, قورشاعان ورتانى لاستايدى. ال وسىنداي پوليەتيلەننىڭ ىدىراۋىنا 250 جىل كەرەك. سوندىقتان جۇرتشىلىقتى تابيعاتتى قورعاۋدىڭ وسى باعىتىنا ەرەكشە كوڭىل بولۋگە شاقىرامىز, – دەيدى «ەۋرازيالىق توپ» جشس قورشاعان ورتانى قورعاۋ دەپارتامەنتىنىڭ ديرەكتورى تالعات تورەبەكوۆ.
مامانداردىڭ ايتۋىنشا, بيوپاكەت – ميلليونداعان ادامدار شىعاراتىن زياندى پلاستيكتەن وزگە ەكولوگيالىق ماسەلەلەردىڭ بىردەن-ءبىر شەشىمى. مۇنداي پاكەتتەردى شىعاراتىن وتاندىق كومپانيا ايىنا 35 ميلليون قاپشىق, سونىڭ ىشىندە قاراپايىم قوقىسقا ارنالعان بيولوگيالىق ىدىرايتىن قاپشىقتار مەن قاپتاما وراۋىشتارىن وندىرەدى. شيكىزاتى ەۋروپادان اكەلىنەتىن قاپشىق باعاسى – 25 تەڭگە.
– بۇل – قاراپايىم قاپتامالار ەمەس, سونىمەن قاتار بيولوگيالىق تىڭايتقىش پاكەتتەر. كۇندەلىكتى قولدانىستا جۇرگەن پوليەتيلەن قاپشىقتارى مۇناي ونىمدەرىنەن جاسالاتىن بولسا, ءبىزدىڭ قاپتامالار ورگانيكالىق ونىمدەردەن تۇرادى. ونىڭ ارتىقشىلىعى دا وسىندا. ويتكەنى ءبىراز ۋاقىتتان كەيىن ول تىڭايتقىشقا ىدىرايدى. پلاستيكتەر ءتۇرلى زياندى زاتتار شىعارسا,
ورگانيكالىق قاپشىقتاعى ونىمدەر باستاپقى قالپىن ساقتاي الادى. ال ءبىزدىڭ باستى ماقساتىمىز – يمپورتقا تاۋەلدى بولماۋ ءۇشىن قازاقستاندا شيكىزات ءوندىرىسىن قۇرۋ, – دەيدى «بيوپاكەت» كومپانياسىنىڭ باسشىسى باتىرحان جۇمانوۆ.
