«Nur Otan» پارتياسىنىڭ پرايمەريزىن وتكىزۋدىڭ ماقساتى – باسەكەلەستىك نەگىزىندە پارتيا جۇمىسىن بارلىق دەڭگەيدەگى ءماسليحاتتار مەن پارلامەنت ماجىلىسىندە لايىقتى كورسەتە الاتىن ناعىز كوشباسشىلاردى انىقتاۋ. پرايمەريز قاعيداتتارىنىڭ ءبىرى اشىقتىق بولسا, ونىڭ اياسىندا پارتيالىق تىزىمدەردى قالىپتاستىرۋدىڭ ايقىن, ءادىل سىزباسى, سۋبەكتيۆتى فاكتورلاردىڭ اسەرىن تومەندەتۋ باستاماسى باستى نازارعا الىنىپ وتىر.
ازامات رەتىندە, ەل حالقىنىڭ مۇددەسىن قورعايتىن پارتيا مۇشەسى رەتىندە سايلانبالى ورگاندارعا ەڭ لايىقتىلاردى ءادىل ىرىكتەۋ ءۇشىن تومەندەگى ماسەلەلەرگە نازار اۋدارۋدى ۇسىنار ەدىم. مەنىڭشە, ۇمىتكەر كەلەسى تالاپتارعا ساي بولۋى كەرەك:
– پاتريوتتىق جانە ادامگەرشىلىك. ءوز ەلىن ءسۇيەتىن ادام تۋعان حالقى, وتانى جانە قوعام يگىلىگى ءۇشىن جۇمىس ىستەيدى. ادامگەرشىلىگى بار ادام ءوز ار-وجدانىنان اتتامايدى. بۇل – قوعامداعى سىبايلاس جەمقورلىقتى جويۋعا اپاراتىن ءبىرىنشى باسپالداق.
– جوعارى ازاماتتىق ۇستانىم. ادەتتە, ءوزىنىڭ ازاماتتىق ۇستانىمى بار ادامدار ارقاشان ءوز پىكىرىن بىلدىرەدى. ولار حالىقتىڭ, ءوز ەلىنىڭ تاعدىرىنا نەمقۇرايلى قارامايدى. بەلسەندى, تانىمال, بەلگىلى ءبىر وڭىردە بەدەلدى بولادى.
– مەملەكەتتىك ءتىلدى ءبىلۋ. زاڭداردى قازاق ءتىلىن جاقسى مەڭگەرگەن دەپۋتاتتار حالىققا تۇسىنىكتى, ۇعىنىقتى قىلىپ جازۋلارى ءتيىس. بۇل ەلدىڭ حالىقارالىق كەڭىستىكتەگى يميدجدىك ساياساتىنا دا وڭ اسەرىن تيگىزەدى.
– ءوز سالاسىنىڭ كاسىپقويلارى. قازاقستاندىقتاردىڭ ءومىر ءسۇرۋ ساپاسىن جاقسارتۋ ءۇشىن ەكونوميكانىڭ قاي سالاسىن قالاي تۇرلەندىرۋ كەرەكتىگىن ءىس جۇزىندە ايتا الاتىن جانە ناقتى ۇسىنا الاتىن, تەك جوعارى ءبىلىمى عانا ەمەس, جەتكىلىكتى ومىرلىك تاجىريبەسى مەن ءوز سالاسىنداعى ناقتى جەتىستىكتەرى بار ادامدار بولۋى كەرەك (مەملەكەتتىك قۇرىلىمداردا جوعارى لاۋازىمدارعا تاعايىنداۋ نەمەسە ۇسىنۋ كەزىندە دە بۇل قاسيەتتەردى ەسكەرۋ قاجەت).
كوپتەگەن زاڭدار ەكونوميكالىق جانە الەۋمەتتىك سيپاتتا بولعاندىقتان, دەپۋتاتتار اراسىندا ءبىلىم بەرۋ, دەنساۋلىق ساقتاۋ, ونەركاسىپ جانە كاسىپكەرلىك, اۋىل شارۋاشىلىعى سالالارىنىڭ ماماندارى, سونداي-اق زاڭگەرلەر, ەكونوميستەر, الەۋمەتتانۋشىلار, باسقا دا سالا وكىلدەرىنىڭ بولۋى مىندەتتى.
جوعارىدا كورسەتىلگەن تالاپتارعا سايكەس كەلەتىن ۇمىتكەرلەر دەپۋتاتتىققا سايلانعان جاعدايدا, قازاقستاننىڭ وركەندەۋىنە جول اشاتىن ساۋاتتى, ءادىل جانە پارمەندى زاڭداردى شىعارۋ ءۇشىن بارلىق كۇش-جىگەرىن جۇمسايدى دەپ سانايمىن.
قايىرلى تاۋكەن,
نۇر-سۇلتان قالاسى
ماسليحاتىنداعى «Nur Otan» پارتياسى
دەپۋتاتتىق فراكتسياسىنىڭ جەتەكشىسى
