ەلوردادا «دەگدار» قايىرىمدىلىق قورى مەن «قازاقكونتسەرت» مەكەمەسى «تاڭعاجايىپ اۋەن» فەستيۆالى اياسىندا قايىرىمدىلىق كەشىن وتكىزدى.
كەشتە بالالارعا ارنالعان وپەرەتتا مەن ميۋزيكلدەردىڭ تانىمال اريالارى شىرقالدى. داريعا نازارباەۆا, مەدەت شوتاباەۆ, مەيىر باينەش, ءالفيا كارىموۆا, ازات مالىك, ازامات جىلتىركوزوۆ, «FORTE TRIO» توبى, «استانا وپەرا» تەاترىنىڭ سيمفونيالىق وركەسترى مەن حورى, سونداي-اق ديريجەر ابزال مۇحيتدينوۆ مەيماندارعا مەرەكەلىك كوڭىل كۇي سىيلادى.
«دەگدار» قورىنىڭ ديرەكتورى لاۋرا احمەتوۆانىڭ ايتۋىنشا, بىلتىر وسى فەستيۆال كەزىندە 52 ميلليون تەڭگە قاراجات جينالىپ, ول ءتورت اۋىلدىق بالالار ءۇيى اراسىندا ءبولىنىپتى.
– بيىل قايىرىمدىلىقتان تۇسكەن اقشا اۋىلدىق جەرلەردەگى ءتورت بالالار ءۇيىنىڭ, اتاپ ايتساق, اقمولا وبلىسىنداعى بالاباقشا-مەكتەپ-ينتەرناتتىڭ, شىعىس قازاقستان وبلىسىنداعى №8 بالالار ءۇيىنىڭ, قاراعاندى وبلىسىنداعى جەتىم بالالار مەن اتا-انا قامقورلىعىنسىز قالعان بالالارعا ارنالعان ليتۆينسك مەكتەپ-ينتەرناتىنىڭ جانە قوستاناي وبلىسىنداعى ورتالىق جۇيكە جۇيەسى زاقىمدالعان جانە پسيحيكاسى بۇزىلعان بالالارعا ارنالعان رۋدنىي مامانداندىرىلعان بالالار ءۇيىنىڭ قاجەتتىلىگىنە جۇمسالادى, – دەدى ول.
قاراجات سونىمەن قاتار ەرەكشە اكتەرلەر تەاترىنىڭ جۇمىسىن قولداۋعا دا باعىتتالادى.
