بوكس, كۇرەس تۇرلەرى, تاەكۆوندو, كاراتە, دزيۋدو جانە قازاق كۇرەسى بويىنشا وتەتىن كونفەدەراتسيا كۋبوگىنىڭ جەڭىمپازدارى انىقتالدى.
بوكس باسەكەسىندە تۇركىستان وبلىسىنىڭ بىلعارى قولعاپ شەبەرلەرى فينالدا نۇر-سۇلتان قالاسى قۇراماسىن 5:3 ەسەبىمەن ۇتىپ, جەڭىس تۇعىرىنىڭ ەڭ بيىك ساتىسىنان كورىندى. گرەك-ريم كۇرەسىندە شىمكەنت قالاسىنىڭ بالۋاندارى الماتى وبلىسىنان باسىم ءتۇسىپ, كۋبوك جەڭىمپازى اتاندى. الماتى قالاسى كاراتە جانە تاەكۆوندو جارىسىندا توپ جاردى. دزيۋدو دوداسىندا شىعىس قازاقستان وبلىسى جەڭىمپاز اتانسا, ەركىن كۇرەستە نۇر-سۇلتان قالاسىنىڭ بالۋاندارى كۋبوك يەگەرى اتاندى. قازاق كۇرەسى بويىنشا كونفەدەراتسيا كۋبوگىن سولتۇستىك قازاقستان وبلىسىنىڭ «قىزىلجار ارلاندارى» كلۋبى جەڭىپ الدى.
كونفەدەراتسيا كۋبوگىنىڭ جۇلدەلىك قورى 165 ميلليون تەڭگەنى قۇرادى.
ۇقساس جاڭالىقتار
Leave a Reply