استانا قالاسىنداعى ترياتلون ساياباعىندا وتكەن وتباسىلىق دۋاتلونعا ەلوردالىق 109 وتباسى قاتىستى. بالالار جىلىنا ارنالىپ وتكىزىلگەن بۇل جارىستى استانا قالاسى اكىمدىگىنىڭ قولداۋىمەن قالالىق دەنە شىنىقتىرۋ جانە سپورت باسقارماسى ۇيىمداستىردى. بۇل سايىستار شىن مانىندە وتباسىلىق بەرىكتىكتى, جەڭىسكە دەگەن جىگەردى, كەرەمەت قۋانىشتى ساتتەردى كورسەتكەن ءىس-شارا بولدى
ءىس-شارانىڭ اشىلۋ سالتاناتىنا استانا قالاسى دەنە شىنىقتىرۋ جانە سپورت باسقارماسىنىڭ باسشىسى سامات جىلقىباەۆ جارىس قاتىسۋشىلارىنا ساتتىلىك تىلەپ, سالاۋاتتى ءومىر سالتىن سەرىك ەتكەن ءاربىر وتباسىنا العىسىن ءبىلدىردى.
– «OTBASY DUATLON 2022» داستۇرگە اينالدى. بيىل التىنشى رەت وتكىزىپ وتىرمىز. جارىسقا قاتىسۋعا نيەت بىلدىرگەن وتباسىلار ەداۋىر ارتتى. كەلەر جىلى 5-6 جاستاعى بالالاردى قوسپاقشىمىز. جارىسقا قاتىسۋعا وتىنىمدەر الدىن الا ەلەكتروندى تۇردە قابىلداندى, مىندەتتى تۇردە شلەم مەن دارىگەردىڭ رۇقساتى بولۋى كەرەك. جالپى, بيىلعى دۋاتلوندا بالالار ءۇشىن ءۇش سانات – 8-9, 10-11 جانە 12-13 جاس بەلگىلەندى. وتباسىلىق سايىستىڭ العاشقى بولىمىندە جالپى ۇزىندىعى 4,5 شاقىرىم قاشىقتىققا الدىمەن 2,1 قاشىقتىققا اكەلەر جۇگىردى, ودان ءارى ەستافەتانى ۆەلوسيپەدكە مىنگەن انالار الدى. جارىستى بالالار مارەگە دەيىن 200 مەتر جۇگىرۋمەن اياقتادى» دەدى جارىستى قورىتىندىلاعان استانا قالاسى دەنە شىنىقتىرۋ جانە سپورت باسقارماسىنىڭ باسشىسى س.جىلقىباەۆ.
بارلىق قاتىسۋشى وتباسىعا قاتىسقانى ءۇشىن فينيشورلىق مەدالدارمەن «GALANZ bottlers» كومپانياسى ۇسىنعان «Sevens» سۋى تابىستالىپ, جەڭىمپازدار I, II, III ورىن ديپلومدارىمەن جانە باعالى سىيلىقتارمەن, ياعني ءار جەڭىمپاز كوماندا مۇشەلەرىنە تەلەديدار, ميكروتولقىندى پەش, شاڭسورعىش, تەرموپوت, سمارتفون, سمارت ساعات, ۆەلوسيپەد سەكىلدى باعالى سىيلىقتار تابىستالدى.
سونداي-اق قاتىسۋشىلار اراسىندا لوتەرەيا ۇتىسى ويناتىلدى. لوتەرەيا جەڭىمپازدارى 10 ۆەلوسيپەد جانە قازاقستان بويىنشا ەڭ ءدامدى «DODO» مەيرامحاناسىنا ارنايى سەرتيفيكاتتار ۇتىپ الدى.
