استاناداعى ۇلتتىق اكادەميالىق كىتاپحانادا كورنەكتى جازۋشى-دراماتۋرگ, قازاقستاننىڭ حالىق جازۋشىسى, مەملەكەتتىك سىيلىقتىڭ لاۋرەاتى ساكەن ءجۇنىسوۆتىڭ 90 جىلدىعىنا ارنالعان «سان قىرلى ساكەن سەرى» اتتى عىلىمي-تاجىريبەلىك كونفەرەنتسيا ءوتتى. ءىس-شارا بارىسىندا قالامگەردىڭ اسىل مۇراسى – كىتاپتارى مەن باسىلىمدارىنان كورمە ۇسىنىلدى.
جينالعاندار قالامگەردىڭ سان قىرلى, سان سالالى ەڭبەگىنە, ءومىرى مەن شىعارماشىلىعىنا توقتالىپ, اسەرلى ەستەلىكتەرمەن ءبولىستى. جازۋشىنىڭ كوزى تىرىسىندە تەلەارنالارعا بەرگەن سۇحباتتارىنان ۇزىندىلەر كورسەتىلىپ, شىعارماشىلىعىنىڭ ەرەكشەلىكتەرى تۋرالى ايتىلدى.
جۋىردا استانا قالاسى اكىمدىگىنىڭ قولداۋىمەن «جاستار» تەاترىندا ساكەن ءجۇنىسوۆتىڭ 90 جىلدىعىنا ارنالعان ادەبي-سازدى كەش ءوتتى. مۇنى جيىندى جۇرگىزگەن قازاقستان جازۋشىلار وداعىنىڭ حاتشىسى, اتالمىش ۇيىمنىڭ استانا قالالىق فيليالىنىڭ ديرەكتورى داۋلەتكەرەي كاپۇلى اتاپ ءوتتى. ادەبيەتتانۋشى عالىم, فيلولوگيا عىلىمدارىنىڭ دوكتورى, پروفەسسور سەرىك نەگيموۆ ساكەن ءجۇنىسوۆتىڭ ءومىر جولىنا توقتالدى.
قالامگەر قازاق مەملەكەتتىك ۋنيۆەرسيتەتىن بىتىرەردە قازاق ءان ماتىندەرى جونىندە ديپلومدىق جۇمىس جازعانىن ايتتى. سوندا ديپلوم جەتەكشىسى زەينوللا قابدولوۆ, ال وپپونەنتى مۇحتار اۋەزوۆ بولعانىن ايتا كەلە, ەكەۋىنە دە بۇل جۇمىس ۇناعانىن جەتكىزدى. جالپى ساكەن جۇنىسوۆكە ۇلى مۇحتاردىڭ ەرەكشە ىقىلاسى تۇسكەنىن اتاپ ءوتىپ, جازۋشىنىڭ «جاپانداعى جالعىز ءۇي» رومانى ءۇشىن كورگەن قۋعىنىنا توقتالدى. بەلگىلى الاشتانۋشى عالىم, اكادەميك, «قازاق گازەتتەرى» جشس باس ديرەكتورى ديحان قامزابەكۇلى كەزىندە «انا ءتىلى» گازەتىنىڭ باس رەداكتورى جارىلقاپ بەيسەنبايۇلىنىڭ تاپسىرماسىمەن ساكەن جۇنىسوۆتەن سۇحبات العانىن, سول ۋاقىتتان قالامگەرمەن جاقىن ارالاسقانىن اتاپ ءوتتى. جازۋشى شىعارماشىلىعىنىڭ قىزىقتى تۇستارىنا توقتالدى. جازۋشى-دراماتۋرگ, قوعام قايراتكەرى التىنشاش جاعانوۆا, جازۋشى ءمادي ايىمبەتوۆ ەستەلىكتەرىمەن ءبولىستى. جۋرناليست-جازۋشى جابال ەرعاليەۆ ساكەن ءجۇنىسوۆتىڭ اسىل بەينەسىن ەسكە الدى. جازۋشى-دراماتۋرگ, مەملەكەتتىك سىيلىقتىڭ لاۋرەاتى روزا مۇقانوۆا 60-جىلدار ادەبيەتى قازاق ادەبيەتىنىڭ التىن داۋىرىنە اينالعانىن اتاپ ءوتىپ, سول ۋاقىتتا ادەبيەتكە كەلگەن قالامگەرلەردىڭ قارىم-قاتىناسىنا توقتالدى. بەلگىلى اقىن, ادەبيەتتانۋشى عالىم ەربولات باياتۇلى قالامگەرلەردىڭ شەتەلدەگى قانداستاردى قولداۋىنا توقتالىپ, بۇل ماسەلەگە ساكەن ءجۇنىسوۆ سەرگەك قاراعانىن, سول ماقساتتا موڭعولياعا ارنايى بارعانىن ايتتى. جازۋشى-دراماتۋرگ جارىلقاپ بەيسەنبايۇلى ساكەن ءجۇنىسوۆ مۇراسىن عىلىمي اينالىمعا اينالدىرۋ ماسەلەسىن قوزعادى. جازۋشى-جۋرناليست نەسىپ ءجۇنىسبايۇلى ساكەن ءجۇنىسوۆتىڭ «اقان سەرى» رومانىنىڭ قۇندىلىعىنا توقتالدى. جازۋشى تولىمبەك ءابدىرايىمۇلى ساكەن ءجۇنىسوۆتىڭ بۋرابايدا قۇرىلىسى بىتپەي قالعان ءۇيىنىڭ ماسەلەسىن كوتەردى. اقىن تورتاي سادۋاقاسوۆ ارناۋ ولەڭىن وقىدى. ادەبيەت سىنشىسى امانگەلدى كەڭشىلىكۇلى ساكەن ءجۇنىسوۆ شىعارماشىلىعىنىڭ ەرەكشەلىكتەرىنە توقتالدى. اقىن, ماناسشى, جازۋشى بايانعالي ءالىمجانوۆ, ادەبيەتتانۋشى عالىم قايىربەك كەمەڭگەر ءسوز سويلەدى. بەلگىلى ءانشى, قازاقستاننىڭ ەڭبەك سىڭىرگەن ءارتىسى قاپاش قۇلىشەۆا ساكەن سەرىنىڭ سۇيىكتى اندەرىنىڭ ءبىرى ساكەن سەيفۋلليننىڭ «ءبىزدىڭ جاقتا» ءانىن اۋەلەتتى. جيىن سوڭىندا جازۋشىنىڭ قارىنداسى روزا ءجۇنىسوۆا جينالعاندارعا العىس ايتتى.
