«ۇلكەن دۋلىعا» ءتۋرنيرىنىڭ 21 مارتە چەمپيونى, الەمنىڭ بۇرىنعى ءبىرىنشى راكەتكاسى نوۆاك دجوكوۆيچ قازاقستان تەننيس فەدەراتسياسىنىڭ ارنايى شاقىرتۋىمەن استانادا 1-9 قازاندا وتەتىن ATP 500 تۋرنيرىنە قاتىسادى.
بۇگىنگى تاڭدا سەربيالىق سپورتشى لوندوندا ءوتىپ جاتقان لەيۆەر كۋبوگىنا قاتىسۋدا. وسى جارىس اياقتالىسىمەن نوۆاك دجوكوۆيچ استاناعا كەلەدى.
سونىمەن قاتار Astana Open دوداسىندا «ۇلكەن دۋلىعا» ءتۋرنيرىنىڭ ءار جىلعى چەمپيوندارى كارلوس الكاراس, دانيل مەدۆەدەۆ, مارين چيليچ, ستانيسلاس ۆاۆرينكا جانە ەندي ماررەي ونەر كورسەتەدى.
سونداي-اق جۇپتىق سىندا دا ەڭ ۇزدىك تەننيسشىلەر باسەكەگە تۇسەدى.
