قالا كوشەلەرىندەگى قاردىڭ قالىڭدىعى قاڭتاردا تۇسەتىندەي قاتپار-قاتپار بولدى. تاۋلىك ىشىندە قالادان 22 500 تەكشە مەتر قار سىرتقا شىعارىلدى. تازالاۋ جۇمىستارى ۇزدىكسىز جۇرگىزىلىپ جاتىر.
قالا اكىمى التاي كولگىنوۆ ەلوردانىڭ بىرقاتار اۋداندارىن ارالاپ, قالانى قاردان تازارتۋ بارىسىن بايقادى. جاعدايدى باعالاعان قالا باسشىسى كوممۋنالدىق قىزمەتتەردىڭ, مەردىگەرلىك ۇيىمدار جەتەكشىلەرى مەن اۋدان اكىمدەرىنە قاردى ۋاقتىلى تازالاۋ جانە سىرتقا شىعارۋ ماسەلەسى جونىندە بىرقاتار مىندەت جۇكتەدى.
ءبىرىنشى كەزەكتە الەۋمەتتىك نىساندار, ياعني تۇرعىن ءۇي كەشەندەرى, جولدار, ايالدامالار مەن ويىن-ساۋىق ورتالىقتارى ماڭىن تازارتۋعا ءمان بەرىلىپ وتىر. كوممۋنالدىق شارۋاشىلىققا جاۋاپتى كاسىپورىندار ءۇش اۋىسىمدى جۇمىس رەجيمىنە كوشىپ, جۇمىستى تاۋلىك بويى جۇرگىزىپ جاتىر. «قازىرگى ۋاقىتتا 900-گە جۋىق ارنايى تەحنيكا مەن 1700-دەن اسا جۇمىسشى جۇمىلدىرىلدى. تەك ءبىر تاۋلىك ىشىندە 22 500 تەكشە مەتردەن اسا قار, 500 تەكشە مەتردەن اسا سۋ قالا سىرتىنا شىعارىلدى» دەپ جازدى التاي كولگىنوۆ الەۋمەتتىك جەلىدەگى اقپاراتىندا.
