ۇلتتىق اكادەميالىق كىتاپحانادا جازۋشى-جۋرناليست, عالىم-ۇستاز, قر اقپارات ءىسىنىڭ ۇزدىگى, قر مادەنيەت قايراتكەرى قۋاندىق شاماقايۇلىن ەسكە الۋ كەشى ءوتتى. سونىمەن قاتار قالامگەردىڭ «ءداۋىر» باسپاسىنان شىققان «شولەيت جاقتا», «مەنىڭ ساتىپ العان كۇيەۋىم» اتتى كىتاپتارىنىڭ تۇساۋى كەسىلدى. كەشكە بەلىگىلى اقىن-جازۋشىلار, مارقۇمنىڭ وتباسى, تۋعان-تۋىستارىمەن قوسا شاكىرتتەرى دە قاتىستى.
قۋاندىق شاماقايۇلى – موڭعوليادا تۋىپ-وسكەن, ۇلانباتىرداعى موڭعوليا مەملەكەتتىك ۋنيۆەرسيتەتىندە جۋرناليستىك جوعارى ءبىلىم العان جازۋشى. ەلىمىزدەگى بىرنەشە جەتەكشى ۋنيۆەرسيتەتتەردە شاكىرت تاربيەلەپ, استاناداعى گازەت-جۋرنالداردا قىزمەت ەتتى. ونىڭ قالامىنان تۋعان ساتيرالىق شىعارمالار مەن ليريكالىق اڭگىمەلەر قازاق وقىرماندارىنان قىزۋ قولداۋ تاۋىپ كەلەدى. سونداي-اق «20 عاسىرداعى الەم جۋرناليستيكاسى», «ءسوز بوستاندىعىنىڭ جۋرناليستيكاداعى ورنى», «ازات ويدىڭ ايناسى», «دەموكراتيالىق قوعامداعى ءباسپاسوز جانە اقپارات قۇرالدارى» اتتى مونوگرافيالارى, امەريكا ساپارىنان جازعان «مەن كورگەن امەريكا» جولجازباسى سىندى جيىرمادان اسا ەڭبەگى بۇگىندە عىلىمي اينالىمعا ەنىپ, جوعارعى وقۋ ورىندارىندا وقۋلىق رەتىندە پايدالانىلۋدا.
كەش سوڭىندا قالامگەردىڭ جارى, جۋرناليست ايشا تۇرماعامبەتوۆا الداعى ۋاقىتتا جازۋشىنىڭ 54-بەتىنە دەيىن جازىپ ۇلگەرگەن, جارىققا شىعۋىن قاتتى قالاعان «تۇيعىن» اتتى رومانىن اياقتاپ, قالىڭ وقىرمانعا ۇسىناتىنىن ايتتى.
نايما
نۇرالىقىزى
