ەلىمىزدە كوپتەگەن ەمدەۋ ورىندارى جەكەشەلەندىرىپ, ناۋقاستار ءۇشىن Damumed ءموبيلدى قوسىمشاسى جۇمىس ىستەگەلى ەكى جىلدان استى. بۇل جۇيە اۋرۋحانالار مەن ەمحانالاردا ناۋقاستاردىڭ ساعاتتاپ كەزەكتە تۇرۋى جانە دارىگەرلەردىڭ قاعازباستىلىق قاربالاسى سياقتى ەسكى ادىستەردى بىرتە-بىرتە ازايتىپ, ولقىلىقتىڭ ورنىن تسيفرلى قىزمەت ءتۇرى الماستىرعان ەدى. بيىل التى ايدىڭ ىشىندە Damumed-تە شامامەن 75,5 ميلليون تەڭگەگە 11607 تولىقتىرۋلار بولعان مىنە, وسىنداي جاڭا جۇيەگە بەتبۇرىس جاساپ جاتقاندا Damumed-تەن داۋ شىقتى. وسى ورايدا Damumed-ءتىڭ باس ديرەكتورى ناتاليا كيل سىن-ەسكەرتپەلەرگە جاۋاپ بەردى.
«سوڭعى ۋاقىتتا كومپانيا تاراپىنا شاعىم ايتۋشىلاردىڭ قاتارى كوبەيىپ كەتتى. قاتەلىك Damumed تاراپىنان ەمەس, ەلەكتروندى جۇيەنىڭ دۇرىس جۇمىس جاساماۋىنان. مۇنداي ماسەلە بۇرىننان بار ەكەن. بۇل ماسەلەمەن دەنساۋلىق ساقتاۋ مينيسترلىگى دە تانىس. ناۋقاستاردىڭ Damumed-كە قاتىستى تۇسىنبەۋشىلىكتەرى تەك ءموبيلدى قوسىمشا ارقىلى پاتسيەنتتەردىڭ كەرى بايلانىسىنىڭ ارقاسىندا كوتەرىلدى. بۇل فۋنكتسيا 2018 جىلدان بەرى جۇمىس ىستەيدى. سونىمەن قاتار پاتسيەنتتەر بىزبەن تىكەلەي بايلانىس ورتالىعى مەن الەۋمەتتىك جەلىلەر ارقىلى بايلانىسقا شىقتى. مۇنداي جاعداي ءبىرىنشى رەت ەمەس, ءبىز بۇل تۋرالى مەديتسينالىق ۇيىمداردىڭ وكىلدەرىنە ايتتىق جانە ءتيىستى باسقارۋ ورگاندارىنا رەسمي حاتتار جىبەرىلدى. وسى جىلدىڭ اقپان ايىندا دەنساۋلىق ساقتاۋ مينيسترلىگىنىڭ كومەگىنە دە جۇگىندىك. شامامەن سول ۋاقىتتا ءمامس قورىنىڭ سۇراۋىمەن كومپانيا وسى احۋالعا وراي ساراپتامادان وتكەن. الايدا بەلگىسىز پاتسيەنتتەردىڭ دارىگەر قابىلداۋىندا بولدى دەگەن جالعان كورسەتكىشتەر تىركەلگەنى راس. قاعازباستىلىقتان ارىلىپ, جاپپاي ەلەكتروندى پورتالعا كوشۋ كەزىندە امبۋلاتوريالىق كارتالاردىڭ اۋىسىپ كەتۋىنىڭ سالدارىنان بولعان» دەپ اقتالدى كومپانيا باسشىسى.
دەگەنمەن بۇل قاتەلىكتى تۇزەتۋ كەش ەمەس. تۇرعىندار ەمحاناعا حابارلاسىپ, مالىمەتتەردى تەز جاڭارتۋعا بولادى ەكەن. سونداي-اق كومپانيا قازىرگى ۋاقىتتا ناۋقاستارعا وسىنداي وقيعالار كەزىندە قاجەتتى ارەكەتتەردى ءتۇسىندىرۋ ءۇشىن الەۋمەتتىك جەلىلەردە اقپاراتتىق جۇمىستار جۇرگىزۋدە. سونداي-اق Damumed كومپانياسىنىڭ ديرەكتورى ەگەر ناۋقاس ءوزى تۋرالى جازباعا كۇماندانسا, مەديتسينالىق ساقتاندىرۋ قورىنا 1406 نومىرىنە نەمەسە ولارمەن تاۋلىك بويعى بايلانىس ورتالىعىنا +7 775 007 03 50 تەلەفونى ارقىلى حابارلاسۋ كەرەك ەكەنىن ءتۇسىندىردى. ايتا كەتەيىك, Damumed قوسىمشاسى – دارىگەرگە قوڭىراۋ شالىپ, كەزدەسۋگە, كەڭەس الۋعا جانە تاعى باسقالارعا مۇمكىندىك بەرەتىن كەڭەيتىلگەن مەديتسينالىق اقپاراتتىق جۇيە.
«ءبىر قىزىعى, جالعان دەگەن جازبالاردىڭ اراسىندا ناقتى دارىگەرگە كەلمەگەنىن ايتقان ادامداردىڭ قابىلداۋعا ءوتىنىش قالدىرعاندارى انىقتالعان. سوندىقتان ءاربىر جاعداي تەرگەۋدى قاجەت ەتەدى, مۇنى مەديتسينالىق قىزمەت كورسەتۋ ەرەجەلەرىن ساقتاۋعا جاۋاپتى ادامدار شەشۋى كەرەك» دەيدى ناتاليا كيل. وسى ورايدا تۇرعىندار دا اشىق ءارى ءادىل بولۋى ماڭىزدى. ازاماتتاردىڭ بەلسەندىلىگىنىڭ ارقاسىندا ءبىز اشىقتىقتى قامتاماسىز ەتە الامىز, بۇل جۇيەدە ولقىلىقتاردى تاۋىپ, ولاردى بولاشاقتا قايتالاماس ءۇشىن تۇزەتۋدىڭ ماڭىزى زور. دەنساۋلىق ساقتاۋ مينيسترلىگى دە, MHIF تە جاعدايدى تولىعىمەن جويۋعا مۇددەلى» دەدى دەنساۋلىق ساقتاۋ مينيسترلىگىنىڭ رەسمي وكىلى باعدات كوجاحمەتوۆ.
سونىمەن بىرگە باس پروكۋراتۋرا Damumed جۇيەسىندە بولۋى مۇمكىن الاياقتىقتى تەكسەرۋدى باستايتىنى تۋرالى حابارلادى. التى ايدىڭ ىشىندە Damumed-تە شامامەن 75,5 ميلليون تەڭگەگە 11607 تولىقتىرۋلار بولعان. بۇل مونيتورينگتى الەۋمەتتىك مەديتسينالىق ساقتاندىرۋ قورىنىڭ ماماندارى جۇرگىزدى. ەندىگى مىندەت – Damumed-كە قاتىستى ءىستىڭ اق-قاراسىن انىقتاۋ.
