استانادا «ايتۆ تاقىرىبىن جاريالاۋداعى بۇقارالىق اقپارات قۇرالدارىنىڭ ءرولى» دەگەن تاقىرىپتا سەمينار ءوتتى. سەميناردى ەلوردالىق جانە رەسپۋبليكالىق جيتس ورتالىعى بىرلەسىپ ۇيىمداستىردى.
سونداي-اق, جيىننىڭ وتۋىنە قازاقستان جانە ورتا ازيالىق ايتۆ-مەن ءومىر سۇرەتىن ادامدار قاۋىمداستىعى قولداۋ كورسەتتى. استانا قالالىق جيتس ورتالىعىنىڭ باس دارىگەرى ءسابيت ابرايموۆتىڭ ايتۋىنشا, باق حالىق اراسىندا ايتۆ تۋرالى دۇرىس اقپارات تاراتۋى كەرەك. ويتكەنى ول جۋرناليستەر اتالعان اۋرۋدى تىم قاتەرلى دەرت سياقتى ەتىپ بايانداپ ءجۇر.
– شىنى كەرەك, ازاماتتاردىڭ اراسىندا ايتۆ تۋرالى كەرى كوزقاراس ءجيى كەزدەسىپ جاتادى. بۇعان, ەڭ بىرىنشىدەن, اقپاراتتاندىرۋدىڭ جەتكىلىكسىزدىگىن كورسەتەدى. سوندىقتان دا ءبىزدىڭ ورتالىق باق-پەن تىعىز قارىم-قاتىناس ورناتىپ, جۇمىس جاساپ كەلەدى. الايدا ايتۆ ماسەلەسىن جاريالاۋ بارىسىندا بۇقارالىق اقپارات قۇرالدارى قاتەلىك جىبەرىپ جاتىر. ماسەلەن, «ايتۆ – ءولىم ۇكىمى, بۇل – ءححى عاسىر ىندەتى» دەگەن قورقىنىشتى سوزدەر ءجيى ايتىلادى. وسىنداي سوزدەردەن كەيىن ءبىزدىڭ قوعام اتالعان اۋرۋدى جۇقتىرعان ازاماتتاردان ولەردەي قورقادى, – دەيدى ول.
سەمينار بارىسىندا مارينا ماكسيموۆا ماستەر-كلاسس وتكىزىپ, ايتۆ جۇقپاسى تۋرالى جان-جاقتى مالىمەت بەردى. سونداي-اق, سەمينارعا قاتىسۋشىلار اتالعان اۋرۋدىڭ باق-تا قالاي ناسيحاتتالىپ جاتقانىن تالقىلادى.
ميراجان ماحان,
№67 مەكتەپ-گيمنازيانىڭ تۇلەگى
