«قازاقستان» ورتالىق كونتسەرت زالىندا «قازاقكونتسەرت» ۇيىمىنىڭ 59-شى ماۋسىمى كورەرمەندەرگە قۇشاعىن ايقارا اشتى.
الپىس جىلعا جۋىق حالقىمىزدى ءان مەن كۇيگە بولەپ كەلە جاتقان ونەرلى ۇجىمنىڭ بۇل كەشى جوعارى دەڭگەيدە ءوتتى دەۋگە بولادى. باعدارلامادا مۋزىكانىڭ بارلىق جانرى قامتىلدى. ۇلتتىق ءداستۇرلى ونەردىڭ دە بايراعى جەلبىرەدى. كونتسەرتتە ونەر كورسەتكەن انشىلەردىڭ ءبارى جاندى داۋىستا ءان شىرقاپ, تالعامپاز تىڭدارماننىڭ قۇلاق قۇرىشىن قاندىردى.
ونەر كەشىندە قازاقستاننىڭ حالىق ءارتىسى روزا رىمباەۆا, ەرلان رىسقالي, ازامات جىلتىركوزوۆ, ءمولدىر اۋەلبەكوۆا, دىنيسلامبەك جايلاۋباي, ەربولات شالدىبەكوۆ, ارداق ەلەۋسىز, بيبىگۇل جانۇزاق, ەرمەك نۇرلىتاڭ, كۇنسۇلۋ تۇرىكپەن, گۇلنار كوشەنوۆا سەكىلدى ونەر جۇلدىزدارىنىڭ سالعان اندەرى كورەرمەندەرگە تاماشا قۋانىش سىيلادى. فورتە تريو», «سوليستەر اكادەمياسى», «استانا سازى», «استانا ميۋزيكل» ۇجىمدارى مەن «نازار», «Saz&soul», «Voice KZ», «دارا» سياقتى ەسترادالىق توپتاردىڭ ونەرى دە كوڭىلدەن شىقتى.
