قازاقستان رەسپۋبليكاسىنىڭ مەملەكەتتىك حاتشىسى گ.ن.ابدىقالىقوۆا حالىقارالىق بالالاردى قورعاۋ كۇنىن مەرەكەلەۋگە ارنالعان ءىس-شارالارعا قاتىستى.

2016 جىلعى 1 ماۋسىمدا قازاقستان رەسپۋبليكاسىنىڭ مەملەكەتتىك حاتشىسى گ.ن.ابدىقالىقوۆا حالىقارالىق بالالاردى قورعاۋ كۇنىن مەرەكەلەۋگە ارنالعان ءىس-شارالارعا قاتىستى.

گۇلشارا ابدىقالىقوۆا استانا قالاسىنىڭ «استانالىق» ساياباعىندا وتكەن «قوش كەلدىڭ, جاز!» اتتى بالالاردىڭ ويىن-ساۋىق باعدارلاماسىن تاماشالادى. مەملەكەتتىك حاتشى ءوز  سوزىندە قازاقستان رەسپۋبليكاسىنىڭ پرەزيدەنتى ن.ءا.نازارباەۆ تاۋەلسىزدىكتىڭ العاشقى كۇندەرىنەن باستاپ ءبىزدىڭ بالالارىمىزدىڭ باقىتتى بالالىق شاعى, جاقسى ءبىلىم الۋى, دەنساۋلىقتارىنىڭ مىقتى بولۋى, ۇلكەندەردىڭ ىقىلاسى مەن قامقورلىعىنا بولەنۋى ءۇشىن بارلىق جاعداي جاساعاندىعىن اتاپ ءوتتى.

تاۋەلسىزدىكتىڭ 25 جىلى ىشىندە قازاقستان ەلەۋلى جەتىستىكتەرگە قول جەتكىزدى. زاماناۋي مەكتەپتەر, بالاباقشالار, اۋرۋحانالار, سپورتتىق عيماراتتار, بالالار الاڭدارى سالىنۋدا, قايىرىمدىلىق قورلارى مەن وزگە دە ۇيىمدار قىزمەت اتقارۋدا. مىسالى, بۇگىندە استانادا 40 مىڭعا جۋىق ءبۇلدىرشىن  بالاباقشالارعا بارىپ, 117 مىڭنان استام وقۋشى ءبىلىم الۋدا.

بۇدان كەيىن مەملەكەتتىك حاتشى شىعارماشىلىق الاڭداردىڭ جۇمىسىمەن تانىسىپ, «ءبىز ۇزدىكتى تاڭدايمىز!» اتتى بالالار سۋرەتتەرىنىڭ كورمەسىندە, «شەبەر قولدار» شەبەرحاناسىندا, سونىمەن قاتار زياتكەرلىك جانە سپورتتىق ويىندار الاڭدارىندا بولدى.

سول كۇنى گ.ن.ابدىقالىقوۆا «قازاقستان» ورتالىق كونتسەرت زالىندا بالالارعا ارنالعان «Bi جۇلدىزاي», «تاڭ شولپان» جانە «بالا داۋىسى» رەسپۋبليكالىق كونكۋرستار جەڭىمپازدارىنىڭ قاتىسۋىمەن وتكەن  «ءبىز – ۇلى دالا ەلىنىڭ ۇرپاقتارىمىز!»  اتتى گالا-كونتسەرتكە قاتىستى.

ءوز سوزىندە مەملەكەتتىك حاتشى گ.ن.ابدىقالىقوۆا ەگەمەن قازاقستاننىڭ العاشقى قادامدارىنىڭ ءبىرى بالالاردىڭ قۇقىقتارىن قورعاۋدى قامتاماسىز ەتۋمەن بايلانىستى ەكەندىگىن اتاپ ءوتتى. 1994 جىلى قازاقستان بۇۇ-نىڭ «بالانىڭ قۇقىقتارى تۋرالى» كونۆەنتسياسىن راتيفيكاتسيالادى. بۇل كونۆەنتسياعا قوسىلۋى مەملەكەتتىڭ الەم قاۋىمداستىعىنىڭ وسكەلەڭ ۇرپاقتىڭ قۇقىقتارىن قورعاۋ سالاسىنداعى نەگىزقالاۋشى قۇجاتتارىنا دەگەن بۇلجىماستىعىن پاش ەتتى. تاۋەلسىزدىكتىڭ 25 جىلى ىشىندە قازاقستان ادام قۇقىقتارىنا قاتىستى 60-قا جۋىق حالىقارالىق قۇجاتتاردى راتيفيكاتسيالادى, ولاردىڭ  قاتارىندا 15-تەن استامى بالالار قۇقىقتارىن ماقساتتى تۇردە قورعايدى.

قازاقستاندا حالىقارالىق ستاندارتتارعا ساي ينستيتۋتسيونالدى جانە زاڭنامالىق دەڭگەيلەردە قالانعان بالالار قۇقىقتارىن قورعاۋدىڭ ۇلتتىق مودەلى قالىپتاستى. ەل باسشىلىعىنىڭ ساياسي ەرىك-جىگەرى مەن بالالاردىڭ قۇقىقتارىن قورعاۋ مەن قامتاماسىز ەتۋدەگى مەملەكەتتىك سىندارلى ساياساتتىڭ ايشىقتى بەلگىسى بولىپ تابىلاتىن بالا قۇقىقتارى جونىندەگى ۋاكىل ينستيتۋتى قۇرىلدى.

گۇلشارا ابدىقالىقوۆا بالالاردىڭ اسەمدىك, شىعارماشىلىق جانە جاسامپازدىق الەمىندە ءومىر سۇرۋىنە بارلىق جاعدايلار جاسالۋى قاجەت ەكەندىگىن اتاپ ءوتتى. مەملەكەتتىك حاتشى: «بالالارىمىزدى تاربيەلەي وتىرىپ, ءبىز مەملەكەتىمىزدىڭ بولاشاق الەۋەتىن قالىپتاستىرامىز, ولار ونىڭ قۇرىلىسىنا اتسالىسىپ, وتانىمىزدىڭ تابىستارى مەن جەتىستىكتەرىن ارتتىراتىن بولادى» – دەدى.

ءسوزىنىڭ سوڭىندا قازاقستان رەسپۋبليكاسىنىڭ مەملەكەتتىك حاتشىسى گ.ن.ابدىقالىقوۆا بالالاردىڭ قۇقىقتارىن قورعاۋ ماسەلەلەرىندە بيلىكتىڭ بارلىق تارماقتارىنىڭ, ازاماتتىق قوعام مەن ۇكىمەتتىك ەمەس جانە حالىقارالىق ۇيىمداردىڭ ءوزارا تىعىز بايلانىستا بولۋعا شاقىردى.

استاناداعى حالىقارالىق بالالاردى قورعاۋ كۇنىنە ارنالعان نەگىزگى مەرەكەلىك ءىس-شارالار «استانالىق» جانە ستۋدەنتتىك ساياباقتارىندا, قارجى مينيسترلىگى مەن وقۋشىلار سارايى الدىنداعى الاڭداردا ءوتتى.

وسى مەرەكەلىك كۇنى ەلىمىزدىڭ بارلىق وڭىرلەرىندەگى ورتالىق الاڭدار, ستاديوندار, ساياباقتار, سارايلار مەن ويىن-ساۋىق كەشەندەرى بالالار مەن ولاردىڭ اتا-انالارىنا ەسىكتەرىن ايقارا اشتى.