جاز كەلسە, قازاقستاندىقتاردىڭ شەت مەملەكەتتەرگە ساياحاتتاۋعا اتتاناتىن ادەتى. بىرەۋلەر الىس شەتەلگە ساپار شەكسە, كەيبىر وتانداستارىمىز كورشى ەلدەردىڭ كوركەم جەرلەرىن كورۋگە قۇمار.
ءتۋريزمدى دامىتىپ, ىشكى تۋريزم مەن سىرتقى ءتۋريزمنىڭ دامۋىنا كەدەرگى كەلتىرەتىن كەلەڭسىزدىكتەردى الاستاۋعا كۇش سالعان ەلىمىز سوڭعى كەزدەرى قازاقستان ازاماتتارىن ۆيزا تالاپتارىنان بوساتۋ جونىندە شەت مەملەكەتتەرمەن ەكىجاقتى كەلىسىمدەر جاسادى. ناتيجەسىندە اتالعان كەلىسىمگە ساي, قازاقستاندىقتار ۇلتتىق پاسپورتپەن 28 ەلگە, قىزمەتتىك پاسپورتپەن 47 ەلگە, ديپلوماتيالىق پاسپورتپەن 69 ەلگە ۆيزاسىز بارا الاتىن بولدى.
شەتەلگە ساياحات جاساعىسى كەلەتىن وتانداستارىمىزعا قولايلى بولۋى ءۇشىن تومەندە قر ازاماتتارى ۆيزاسىز بارا الاتىن ەلدەردىڭ ءتىزىمىن جانە مەرزىمىن دە كورسەتە كەتەيىك.
قازاقستان ازاماتتارى امەريكا, ازيا, تاياۋ شىعىس, افريكا جانە تمد-نىڭ بىرقاتار ەلىنە ۆيزاسىز بارا الادى. بۇل ەلدەردىڭ كوشىن ءبىر جىلدىق ۆيزاسىز رەجيممەن گرۋزيا باستاسا, سوڭىن 14 كۇندىك ۋاقىتپەن قىتايدىڭ گونكونگى تۇيىندەپ تۇر.
قازاقستاندىقتار ۆيزاسىز بارۋىنا بولاتىن ەلدەردىڭ ءتىزىمى جانە مەرزىمى:
14 كۇنگە دەيىن قىتايدىڭ گونكونگى
28 كۇنگە دەيىن باربادوس
30 كۇنگە دەيىن ارگەنتينا, برازيليا, يندونەزيا, مالايزيا, ءباا,
سەربيا, تاجىكستان, وزبەكستان, فيليپپين, وڭتۇستىك كورەيا, ەكۆادور90 كۇنگە دەيىن رەسەي, ازەربايجان, البانيا, بەلارۋس, كولۋمبيا, كوستا-ريكا, قىرعىزستان, مولدوۆا, موڭعوليا, ناميبيا, تۇركيا, ۋكراينا
180 كۇنگە دەيىن ارمەنياعا
365 كۇنگە دەيىن گرۋزياعا
ناميبيا, سەيشەل ارالدارىنا ۆيزاسىز بارۋعا بولادى
تۋريستەردىڭ ۆيزا ماسەلەسىن ۇيلەسىمدى شەشۋ ءۇشىن كەيبىر مەملەكەتتەر ۆيزانى اۋەجايدا راسىمدەۋگە بولاتىن مۇمكىندىك تە جاساعان. مۇنداي جاعدايدا ۆيزا الۋعا ءوتىنىشتى اۋەجايدا تولتىرۋعا بولادى. وعان كوپ ۋاقىت كەتپەيدى. ءار ەلدە تالاپ ەتىلەتىن قۇجاتتاردىڭ تىزىمىندە ايىرماشىلىقتار بولعاندىقتان, سول ەلدىڭ رەسمي سايتتارى ارقىلى كەيبىر ماسەلەلەردى الدىن الا ناقتىلاپ العان ءجون.
اۋەجايدا ۆيزا راسىمدەۋ ءۇشىن پاسپورت, فوتوسۋرەت, باراتىن-قايتاتىن جولدىڭ بيلەتى, تۋريستىك راستاما نەمەسە قوناقۇيدى برونداۋ تۋرالى دادەل, شوتىڭىزداعى قاراجات تۋرالى انىقتاما, ساۋالناما مەن كوشى-قون كارتاسى, باج تولەۋ ءۇشىن اقشا ارقاشان دا كەرەك. ۆيزاعا تولەنەتىن سوما مولشەرى دە ارقالاي. 10 دوللاردان باستاپ, نەشە 100 دوللارعا دەيىن بارادى.
كەيبىر ەلدەردىڭ ۆيزاسىن ونلاين الۋعا بولادى. وعان كەزەكتە تۇرۋدى قاجەت ەمەس. بارلىق قاجەتتى قۇجاتتاردى جيناقتاپ, باج تولەپ, بىرنەشە كۇن نەمەسە بىرەر ساعات ىشىندە ۆيزا الۋعا بولادى. الايدا ۆيزاعا ءوتىنىشتى جولعا شىعاتىن ۋاقىتقا 30 كۇن بۇرىن تولتىرۋ كەرەك.
ال ەلىمىزدە 76 ەلدىڭ ازاماتتارى 72 ساعاتتان (قىتاي, ءۇندىستان) 90 كۇنگە دەيىن ۆيزاسىز جۇرۋىنە مۇمكىندىك بار. قازاقستاننىڭ بىرقاتار ەلدەرگە ءبىر ايلىق, 2 ايلىق, 3 ايلىق ۆيزاسىز رەجيم ەنگىزۋى ۆيزاسىز بارۋعا بولاتىن مەملەكەتتەردىڭ الەمدىك رەيتينگىندەگى ورنىن جوعارىلاتىپ عانا قويماي, وتاندىق ءتۋريزمنىڭ دامۋىنا دا تىڭ سەرپىن بەردى.
ايتا كەتەيىك, 2018 جىلدىڭ باسىندا قازاقستان ۆيزاسىز بارۋعا بولاتىن مەملەكەتتەردىڭ الەمدىك رەيتينگىندە 65-ورىنعا كوتەرىلگەن ەدى.
