استانادا قالاداعى 8 كولىك كاسىپورنىنىڭ 607 مامانى بىلىكتىلىگىن ارتتىرۋ كۋرستارىنان ءوتتى. بۇل تۋرالى استانا قالاسى اكىمى اپپاراتىنىڭ ءباسپاسوز قىزمەتىنە كولىك ماماندارىنىڭ بىلىكتىلىگىن ارتتىرۋ ورتالىعىنان مالىمدەدى.
وقىتىلعان 607 ماماننىڭ 353-ءى – اۆتوبۋس جۇرگىزۋشىلەرى, 254-ءى – كوندۋكتورلار. ماماندار نەگىزگى وقۋ ءبولىمىن ءتامامدادى, ەندى كۋرس تولىق اياقتالعان سوڭ كەلەسى دەڭگەيدەگى باعدارلامانى مەڭگەرەتىن بولادى. تاجىريبەلىك ساعاتتار ارنايى جابدىقتالعان بولمەلەردە كومپيۋتەر كومەگىمەن وتكىزىلگەن. تاپسىرماعا تەست, ەسەپتەر, جول قوزعالىسى ەرەجەلەرى جانە ت.ب. ەنگىزىلدى.
ەستەرىڭىزگە سالا كەتەيىك, حالىقارالىق ستاندارتتارعا ساي وقىتاتىن, جاڭا تەحنولوگيالىق كابينەتتەرمەن جابدىقتالعان استاناداعى كولىك ماماندارىنىڭ بىلىكتىلىگىن ارتتىرۋ ورتالىعى بيىل مامىر ايىندا اشىلعان بولاتىن. مۇندا اۆتوبۋس جۇرگىزۋشىلەرىمەن قاتار, كوندۋكتورلار, برت ماماندارى, تاكسي جۇرگىزۋشىلەرى مەن ترانسپورت سالاسىنىڭ وزگە دە ماماندارى وقي الادى.
