بۇدان بىلاي قالادا بەلگىلەنبەگەن ورىندارعا قوقىس تاستاعان تۇرعىندارعا 1 ملن 200 مىڭنان استام تەڭگەنىڭ ايىپپۇلى سالىناتىن بولدى.
دەرەك بويىنشا, جىل باسىنان بەرى بەلگىلەنبەگەن ورىندارعا قوقىس قالدىقتارىن تاستاپ, قار مەن لاس سۋدى توككەن 38 جۇرگىزۋشى جاۋاپكەرشىلىككە تارتىلعان.
استانا قالاسىنىڭ ىشكى ىستەر دەپارتامەنتى جەرگىلىكتى پوليتسيا قىزمەتىنىڭ تابيعاتتى قورعاۋ پوليتسياسى قىزمەتكەرلەرى ستيحيالىق قوقىس قالدىقتارىن توگۋگە جول بەرمەۋ ماقساتىندا تۇراقتى تۇردە ءىس-شارالار جۇرگىزەدى. وسى ماقساتتا قوقىس قالدىقتارى كوپتەپ توگىلەتىن جەرلەرگە تەكسەرىستەر جۇرگىزىلۋدە.
مىسالى, 18 اقپان كۇنى پولكتىڭ تابيعاتتى قورعاۋ پوليتسياسى قىزمەتكەرلەرى بەلگىلەنبەگەن ورىنعا شارۋاشىلىقتىڭ ءناجىس سۋىن توككەن «گاز 5307» ماركالى اۆتوكولىگىنىڭ 28 جاسار جۇرگىزۋشىسىن قولعا تۇسىرگەن. ول سوعان بايلانىستى اكىمگەرشىلىك كودەكستىڭ 505-بابى بويىنشا جازاعا تارتىلدى. ءسويتىپ, 10 ايلىق ەسەپتى كورسەتكىش كولەمىندە ايىپپۇل تولەيتىن بولدى.
جۇرگىزۋشى بۇدان كەيىن قوقىستاردى قايتا جيناپ, قالالىق قوقىس پوليگونىنا جەتكىزدى. وسىعان ۇقساس فاكتىلەرگە جول بەرىلمەس ءۇشىن قۇقىق بۇزۋشىعا زاڭنامانىڭ نەگىزگى باپتارى ءتۇسىندىرىلدى.
