ۇلتتىق اكادەميالىق كىتاپحانانىڭ ۇيىمداستىرۋىمەن تالانتتى جاس كومپوزيتورلار, اعايىندى عالامات پەن نۇرالي بەيسەقوجالاردىڭ ونلاين كونتسەرتى بولىپ ءوتتى.
ونلاين كەشتە اعايىندى ونەرپازدار وزدەرىنىڭ اۆتورلىق شىعارمالارىن جۇرتشىلىققا تارتۋ ەتتى. كونتسەرت شىمىلدىعى «باقىت قۇسى» اتتى كۇيمەن اشىلدى.
قازىر عالاماتتىڭ جاسى ون توعىزدا. ول وسىعان دەيىن قىرىقتان اسا كۇيلەردىڭ اۆتورى بولىپ ۇلگەرگەن. ال نۇرالي نەبارى – ون تورتتە. ونى ونەرسۇيەر قاۋىم ەلىمىزدەگى ەڭ جاس ءارى تانىمال كومپوزيتور, پيانيست-سكريپاچ رەتىندە جاقسى بىلەدى. ونىڭ بۇگىنگە دەيىن جۇزدەن استام تۋىندىسى جارىققا شىققان.
«بۇگىنگى كونتسەرتتەن العان اسەرىمىز وتە مول. ءبارى ويداعىداي ءوتتى. وزىمىزگە دە ۇلكەن شابىت سىيلادى. حالىقتىڭ الدىندا ساحنادا ونەر كورسەتىپ تۇرعانداي كۇيدە بولدىق. تىكەلەي حالىقپەن ءبىر زالدا كونتسەرت بەرۋ بولەك. بىراق, بۇگىنگىنى – ەرەكشە بولعان كونتسەرتتەردىڭ ءبىرى دەۋگە بولادى. حالىقتىڭ باتاسى, ىزگى تىلەكتەرىن وقىپ وتىرىپ, ءوزىمىزدى باقىتتى كۇيدە سەزىندىك» دەيدى عالامات بەيسەقوجا.
