قولجەتىمدى پاتەر بەرىلەدى

ەلوردا اكىمى التاي كولگىنوۆ مۇعالىمدەر مەن دارىگەرلەرگە ارناپ سالىنىپ جاتقان تۇرعىن ءۇيدىڭ قۇرىلىسىمەن تانىستى.قالا باسشىلىعى «قازاقستاندىق يپوتەكالىق كومپانيامەن» بىرلەسە وتىرىپ, بىرقاتار الەۋمەتتىك تۇرعىن ءۇي قۇرىلىسىن جۇزەگە اسىرۋدا. بۇل ۇيلەر ساتىپ الۋ قۇقىعىمەن جالعا بەرىلەتىن تۇرعىن ۇيلەردىڭ قاتارىنا جاتادى. قولجەتىمدى باسپانا مۇعالىمدەر مەن دارىگەرلەر اراسىندا بولىنەدى. بيىل 1 مىڭعا جۋىق پاتەر بەرىلەدى.
«ابايدىڭ 150 جىلدىعى, شۇعىلا, قوسشىعۇلۇلى, تورايعىروۆ كوشەلەرىندە, تولەباەۆ جانە شارباقتى كوشەلەرىنىڭ قيىلىسىندا جانە تىلەنديەۆ داڭعىلىندا ورنالاسقان ءۇيدىڭ قۇرىلىسى بارىسىمەن تانىستىم. بۇدان باسقا, كەزەكتە تۇرعان (حالىقتىڭ الەۋمەتتىك ءالسىز توپتارىنا), «تۇرعىن ءۇي قۇرىلىس جيناق بانكىنىڭ» سالىمشىلارى ءۇشىن تۇرعىن ءۇي سالۋ بويىنشا جۇمىس ءجۇرىپ جاتىر. كەلەسى جىلدارعا باعىتتالعان دايىندىق جۇمىستارى دا باستالدى» دەپ جازدى قالا اكىمى Instagram پاراقشاسىندا.