ەلوردالىقتار ءۇشىن قىسقى سپورت ماۋسىمى شاڭعى جارىستارىمەن باستالدى.
استانا قالاسىنىڭ تۋريزم, دەنە تاربيەسى جانە سپورت باسقارماسىنىڭ ۇيىمداستىرۋىمەن وتكەن بۇقارالىق جارىسقا كاسىبي سپورتشىلارمەن قاتار اۋەسقوي شاڭعىشىلار دا شىقتى. جارىس شىمىلدىعىن ءبىرىنشى بولىپ مەكتەپ وقۋشىلارى اشتى. ءبىر جانە ءۇش شاقىرىمدىق جارىستاردا جاس شامالارىنا قاراي №56 ورتا مەكتەپ وقۋشىسى ەرسۇلتان تاليپحان, №31 ورتا مەكتەپ وقۋشىسى رۇستەم امانجولوۆ, №5 ورتا مەكتەپ وقۋشىسى يليا ميحاتسەۆ, سپورتتىق باعدارلاۋ فەدەراتسياسىنىڭ وكىلى گۇزەل نۇرمانوۆا جانە №4 سپورت مەكتەبىنىڭ تاربيەلەنۋشىسى ايشانبەك يبراەۆ جەڭىمپازدار قاتارىنان كورىندى. ال كاسىپقوي سپورتشىلار اراسىندا ۆاسيلي كۋچين مەن گالينا كورنيلوۆا توپ جاردى. كۇش قۇرىلىمدارى اراسىنداعى باسەكەدە رەسپۋبليكالىق ۇلان ساربازدارى الدارىنا جان سالمادى.
استانادا قىسقى سپورت ماۋسىمى باستالىپ تا فكەتتى. الدا اۋەسقويلار اراسىنداعى حوككەي, كونكي جارىستارى, سونىمەن قاتار, ءداستۇرلى «بۇرقاسىن» سپورت فەستيۆالى جانە باسقا دا بۇقارالىق سايىستار كۇتىپ تۇر.
عالىم قوجابەكوۆ
