قىستان قايمىقپايدى

كەشە الماتى اۋدانىنىڭ 2013-2014 جىلدارعى جىلۋ بەرۋ ماۋسىمىنا دايىندىق بارىسى پىسىقتالدى.وندا بايانداما جاساعان اۋدان اكىمىنىڭ كوممۋنالدىق ماسەلەلەر بويىنشا ءورىاليحان قۋات­بەكوۆ كوپپاتەرلى تۇرعىن ءۇي­لەردى كۇردەلى جوندەۋدەن ءوت­كىزۋ كەزىندە ينجەنەرلىك جەلى­لەر­دىڭ تو­­لى­­عىمەن اۋىس­تى­رىل­عاندىعىن ءمالىم ەتتى. «مىسالى, 122 جەرتولەگە جى­لۋعا كەتەتىن شىعىنداردى ءبىراز ءتو­مەن­دەتۋگە مۇمكىندىك بەرەتىن جى­لىتۋ پۋنكت­تەرى جانە 68 ۇيگە ەلەكترو­جاب­دىقتاۋ قۇرىلىمدارى ورنا­تىلىپ, 50 ءۇيدىڭ شاتىرلارى كۇر­دەلى ءجون­دەۋدەن وتكىزىلدى. سونداي-اق, 53 ءۇي­دىڭ كارىز جۇيەسى قال­پىنا كەل­تى­رىلىپ, 39-ىنىڭ جىلۋ قۇ­بىر­لا­رى اۋىس-تىرىلدى» دەيدى ءاليحان جۇ­­ما­حانۇلى. دەرەگىنە دەن قوي­ساق, پرو­­مىشلەننىي, ينتەرناتسيونال­نىي, جەلەزنودوروجنىي, ميچۋرين كەنت­تەرىندەگى تۇرعىن ءۇي­لەر­گە جۇرگىزىلگەن قوسىمشا دايىن­دىق جۇمىستارى دا اياقتالعان كو­رىنەدى. بۇل اۋدان بويىنشا بيىلعى جىلۋ بەرۋ ماۋسىمىنا 59 ءبىلىم بەرۋ, 16 دەنساۋلىق ساقتاۋ جانە 4 مادەني نىسان تولىعىمەن دايىن. قالعان 224 ءۇيدىڭ دە كوممۋنالدىق قاجەتتىلىكتەرىن جۋىق ارادا قامتا­ما­سىز ەتۋ قاراستىرىلعان.
اۋدان كولەمىندەگى 1012 كوپقا­باتتى تۇرعىن ءۇيدىڭ 84-ءى اپاتتى جاعدايدا تۇر. اسىرەسە, سەمبينوۆ, كەنەسارى, اباي كوشەلەرىندەگى ەكى قاباتتى ەسكى ۇيلەردىڭ كەزەكتى قىستىڭ قاھارىنا تاعى دا توتەپ بەرۋى ءتيىس-اق.

ەركەعالي بەيسەنوۆ