جىلىتۋ ماۋسىمىنا دايارلىق
2019-2020 جىلداردىڭ جىلىتۋ كەزەڭىنە «استانا-ەنەرگيا» اق جىلۋ-ەنەرگەتيكالىق ورتالىقتارىنىڭ جالپى دايىندىعى 77,9 پايىزدى قۇرادى: جەو-1 – 68,8 پايىز, جەو-2 – 79 پايىز دايىن. اۋداندىق قازاندىقتاردىڭ دايىندىعى – 91,5 پايىز. قازiرگi كۇنى جەو-لار ءۇشىن 20 كۇنگە شاقتالعان كومىر قورى تۇر. بۇعان قوسا, 10 مىڭ توننا مازۋت جانارمايى تاعى بار.
سونداي-اق جىلۋ بەرۋ ماۋسىمىنا «استانا-تەپلوترانزيت» اق – 55 پايىز, «استانا-اەك» اق 72 پايىز سايلانعان. ونىڭ 30 شاقىرىمعا سوزىلعان كابەل جۇيەسi اۋىستىرىلعان. جەو-1 مەن جەو-2 اراسىن جالعايتىن جالپى ۇزىندىعى 6,2 كم جىلۋ ماگيسترالى قالانى جىلۋمەن ەش كەدەرگىسىز جابدىقتاپ تۇرۋى ءۇشىن ەسكىرگەن قۇبىرلار جاڭاعا اۋىستىرىلۋ ۇستىندە. بۇل جۇمىستار دا بەكىتىلگەن كەستەگە ساي جۇرگىزىلىپ كەلەدى.
ال الەۋمەتتىك-مادەني سالا بويىنشا قىسقا دايارلىق جاعدايى ءبىرشاما كوش ىلگەرى. بiلiم بەرۋ, دەنساۋلىق ساقتاۋ, مəدەنيەت نىساندارى جىلۋ بەرۋ ماۋسىمىنا جوسپارعا سايكەس دايىندالىپ جاتىر, ەشقانداي قيىندىق جوق. قازىرگى كۇنى ولاردىڭ سايلىلىعى 90 پايىزدان استى. باسقارما باسشىسىنىڭ ايتۋىنشا, قالاداعى 173 ءبىلىم بەرۋ نىسانىنىڭ 164-i, 38 دەنساۋلىق ساقتاۋ نىسانىنىڭ 36-سى, ال 14 مادەنيەت نىسانىنىڭ 11-i دايىن.
الەۋمەتتىڭ قامى قالاي؟
بۇگiندە ەلوردادا 2512 تۇرعىن ءۇي ورتالىقتاندىرىلعان جىلۋ جۇيەسiنە قوسىلعان. ونىڭ 87 پايىزى الداعى ماۋسىمعا دايىن. دەگەنمەن بۇل سالادا əلi دە پروبلەمالار بار. ول اۋداندىق əكiمدiكتەرمەن بiرلەسiپ قاراستىرىلىپ جاتىر. پروبلەمالاردىڭ اراسىندا پيك مəسەلەسi, تۇرعىنداردىڭ تۇتىنعان قىزمەتتەر ءۇشىن ۋاقىتىلى اقشا تولەمەۋى سياقتى كەلەڭسىزدىكتەر, ءوزارا كيكىلجىڭدەر سەكiلدi تۇيتكiلدەر از ەمەس.
وتكەن جىلداردىڭ تاجىريبەسىنە سۇيەنسەك, نۇر-سۇلتان قالاسىن قاتتى وتىنمەن قامتاماسىز ەتۋ ءۇشىن 420 مىڭ تونناداي كومىر قاجەت. قاجەتتى وتىن جىلۋ بەرۋ ماۋسىمى باستالعانعا دەيىن تولىقتاي جەتكىزىلۋى ءتيىس. باسقارما باسشىسىنىڭ ايتۋىنشا, وسى كولەمنىڭ ىشىنە تۇرعىلىقتى حالىقتىڭ قاجەتتىلىگىنەن ارتىلىپ, كورشى وبلىستىڭ تۇتىنۋشىلارى ساتىپ الادى دەگەن 20 پايىز دا ەسەپتەلگەن. تەك, قىس كوزى قىراۋدا, حالىقتىڭ وتىنعا دەگەن سۇرانىسى جاپپاي ارتىپ, ءبارى بىردەي كومىر ساتىپ الام دەپ دۇرلىگىپ, وزدەرى ەرىكسىز كەزەك تۋدىرىپ الاتىنى بار, سودان ساقتانعان دۇرىس.
– حالىقتى كومiرمەن قامتاماسىز ەتۋ – جىلدان-جىلعا جالعاسىپ كەلە جاتقان مəسەلە. بۇگىندە قالادا iرi 7 كومiر ساتاتىن كومپانيا بار. بiز ولارمەن باعالاردى بەكىتۋ جونىندەگى مەموراندۋمعا قول قويدىق. باعالار 12-14 مىڭ تەڭگە ارالىعىن قۇرايدى. ولار قاتتى وتىننىڭ ساپاسىنا, سۇرپىنا قاراي باعالانادى. بۇدان بولەك, 109 تەلەفون ءنومىرى بويىنشا «ءىKomek» قاۋىرت جەلىسى قۇرىلدى, وندا تۇرعىندار كومىرلەردىڭ باعاسى, تۇرلەرى جانە قورلارى بويىنشا قاجەت اقپارات الا الادى, – دەيدi ەربول تولەۋوۆ.
سونداي-اق الەۋمەتتىك وسال توپتارداعى ەلوردالىقتارعا كومىر ساتىپ الۋعا 20200 تەڭگە كولەمىندە ءبىر رەتتىك الەۋمەتتىك كومەك بەرىلەدى. الەۋمەتتىك كومەك كورسەتۋ, ونىڭ مولشەرلەرىن بەلگىلەۋ جانە مۇقتاج ازاماتتاردىڭ جەكە ساناتتارىنىڭ تىزبەسىن ايقىنداۋ قاعيدالارىنا سايكەس, قاتتى وتىندى ساتىپ الۋعا الەۋمەتتىك كومەك ءتورت ەڭ تومەنگى كۇنكورىس دەڭگەيىنەن اسپايتىن تابىسى بار وتباسىلارعا, پەشپەن جىلىتىلاتىن جەر ۇيلەردە تۇراتىن مۇگەدەكتەرگە, مۇگەدەك بالالارعا, زەينەتكەرلەرگە, كوپبالالى وتباسىلارعا كورسەتىلەدى. جاردەماقى جىلىتۋ ماۋسىمىندا ءبىر رەت بەرىلەدى. اتالعان سوماعا كومىردى جەتكىزىپ بەرۋ قىزمەتى كىرەدى.
