رەفورمالار مەديتسينالىق كومەك كورسەتۋدىڭ ساپاسى مەن قولجەتىمدىلىگىنە اسەر ەتۋى ءتيىس
ەلوردادا «نۇر وتان» پارتياسىنىڭ كەزەكتى XVIII سەزى وتۋدە, دەپ حابارلايدى استانا اكىمدىگىنىڭ رەسمي سايتى.
قازاقستان پرەزيدەنتى الەۋمەتتىك قولداۋدى كۇشەيتۋ جانە ادامداردىڭ ءومىر ءسۇرۋ ساپاسىن ارتتىرۋ جونىندەگى شارالاردى ۇسىندى. پارتيانىڭ جاڭا باعدارلاماسىنا قاتىستى پىكىرىمەن «قالالىق جەدەل مەديتسينالىق جاردەم ستانتسياسى» شجق مكك باس دارىگەرى تيمۋر مۇراتوۆ ءبولىستى. – از قامتىلعان ازاماتتار مەن كوپبالالى وتباسىلارعا جوعارى كوڭىل ءبولىنىپ, قولداۋ شارالارى كۇشەيتىلەدى. مەملەكەت باسشىسى ۇكىمەتكە از قامتىلعان ازاماتتاردى كومەكپەن قامتۋدى كەڭەيتۋ ءۇشىن اتاۋلى الەۋمەتتىك كومەك كورسەتۋ كريتەريلەرىن ەڭ تومەنگى كۇنكورىس دەڭگەيىنەن 70%-عا دەيىن ارتتىرۋدى تاپسىردى. سونىمەن قاتار, اتاۋلى الەۋمەتتىك كومەك ءۇشىن ءار بالاعا كوپبالالى وتباسىلارعا 21 مىڭ تەڭگە كولەمىندە ەڭ تومەنگى تولەم بەلگىلەنەتىن بولادى. مەملەكەت باسشىسى ءبىلىم جانە دەنساۋلىق ساقتاۋ سالاسىنداعى باسىمدىقتاردى اتاپ ءوتتى. ءبىرىنشى كەزەكتە, پەداگوگتاردىڭ بىلىكتىلىگى ارتىپ, وزەكتى باعدارلامالار ەنگىزىلۋى ءتيىس. بىراق وقۋ ورىندارى تيىمدىلىگىنىڭ باستى ولشەمى تۇلەكتەردى جۇمىسقا ورنالاستىرۋ بولىپ تابىلادى. باستاپقى مەديتسينالىق-سانيتارلىق كومەككە ارنالعان شىعىستار دەنساۋلىق ساقتاۋدى قارجىلاندىرۋدىڭ جالپى كولەمىنىڭ 40-تان 60%-عا دەيىن ۇلعايتىلاتىن بولادى. جالپى جۇرگىزىلگەن رەفورمالار ستاتسيونارلىق مەديتسينالىق كومەك كورسەتۋدىڭ ساپاسى مەن قولجەتىمدىلىگىنە اسەر ەتۋى ءتيىس.
