بۇگىن «نۇر وتان» پارتياسىنىڭ كەزەكتى XVIII سەزى ءوتىپ جاتىر, دەپ حابارلايدى ەلوردا اكىمدىگىنىڭ رەسمي سايتى.
سەزد بارىسىندا كوتەرىلگەن الەۋمەتتىك قولداۋ جانە قازاقستاندىقتاردىڭ ءومىر ساپاسىن ارتتىرۋعا باعىتتالعان شارالارعا قاتىستى ماسەلەلەر جونىندەگى پىكىرىمەن ەۇۋ حالىقارالىق قاتىناستار فاكۋلتەتى پروفەسسورى ءامىرجان الپەيىسوۆ ءبولىستى. – جاڭا باعدارلامانىڭ ماقساتى بارلىق قازاقستاندىقتاردىڭ مۇددەلەرىنە باعىتتالعان ءارى الەۋمەتتىك سيپاتقا يە. جاڭا باعدارلاما پارتيانىڭ ەلدى جان-جاقتى جاڭعىرتۋىن قامتاماسىز ەتەدى. بۇل باسىمدىقتار پارتيانىڭ تاياۋداعى جىلدارعا ارنالعان باعدارلاماسىندا كورسەتىلگەن. دامۋدىڭ نەگىزگى قاعيداتتارى: ۇلتتىق بىرلىك, ەكونوميكالىق ءوسۋ جانە گۇلدەنگەن مەملەكەت. مەملەكەت باسشىسى ءوز سوزىندە قازاقستاننىڭ الەۋمەتتىك مەملەكەت رەتىندە دامۋى باستى باسىم باعىتتاردىڭ ءبىرى بولاتىنىن اتاپ ءوتتى. كومەك اسا مۇقتاج قازاقستاندىقتارعا كورسەتىلىپ, اتاۋلى سيپاتقا يە بولماق.
