استانانىڭ 20 جىلدىق مەرەيتويىنا وراي تۇران داڭعىلى بويىندا ورنالاسقان «سارىارقا» ساۋدا-ويىن-ساۋىق ورتالىعىنىڭ جانىندا «قازترانسويل» كومپانياسىنىڭ ەتنواۋىلى بوي كوتەردى.
ۇزاقتىعى 5377 شاقىرىمدىق ماگيسترالدىق مۇناي قۇبىرى جەلىسىن الىپ جاتقان «قازترانسويل» كومپانيالار توبىنىڭ وندىرىستىك نىساندارى قاراعاندى, پاۆلودار, تۇركىستان, سولتۇستىك قازاقستان, اتىراۋ, ماڭعىستاۋ, باتىس قازاقستان, قىزىلوردا, الماتى, اقتوبە, شىعىس قازاقستان وبلىستارىندا ورنالاسقان. ەتنواۋىلدا «قازترانسويل» اق-تىڭ ءار وڭىردەگى مۇناي قۇبىرشىلارى «ماڭعىستاۋ», «اق-جايىق», «كەڭ جىلىوي», «مۇعالجار», «كاسپي», «جەتىسۋ», «جىبەك جولى» اتتى ءبىر-ءبىر اقشاڭقان قازاق ءۇيىن تىگىپ, وندا ەلدىڭ رۋحاني مۇراسى مەن مۇناي-گاز سالاسىنىڭ دامۋى تۋرالى ناسيحات جۇمىستارىن جۇرگىزدى. مىسالى, قاراعاندى مۇناي قۇبىرى باسقارماسىنىڭ «سارىارقا» اتتى كيىز ءۇيى «رۋحاني جاڭعىرۋ» باعدارلاماسىنىڭ باستاماشىسى بولعان نۇرسۇلتان نازارباەۆتىڭ ەڭبەك جولىنا ارنالسا, پاۆلودارلىق مۇناي قۇبىرشىلارىنىڭ «باياناۋىل» كيىز ۇيىندە «قازمۇنايگاز» كومپانياسى مەن ونىڭ ەنشىلەس كاسىپورىندارى دايىنداعان استانانىڭ ساۋلەتتى عيماراتتارىنىڭ ماكەتى مەن ەلوردانىڭ دامۋى جايلى اقپاراتتىق جۇمىستار كورسەتىلدى. سول سياقتى وزگە دە كيىز ۇيلەردە ءتۇرلى تاقىرىپتىق جۇمىستار, ەلىمىزدىڭ كيەلى كارتاسىنا ەنگەن نىساندار مەن ۇلتتىق كيىمدەر توپتاستىرىلعان ەكسپوناتتار قويىلعان. «ەتنواۋىلدى ۇيىمداستىرۋداعى مۇناي قۇبىرشىلارىنىڭ ماقساتى – كەلۋشىلەرگە وتكەندى ساباقتاپ, ەلىمىزدىڭ تاريحي-مادەني مۇراسىن ناسيحاتتاپ, وسى ارقىلى تاعىلىمدى تاريحتى باستان كەشىرگەن حالىقتىڭ رۋحاني قازىناسىنىڭ باعا جەتپەس بايلىعىن كورسەتۋ. ويتكەنى بۇل بايلىق – مۇنايدان دا قىمبات» دەيدى ۇيىمداستىرۋشىلار. ەتنواۋىلدىڭ اشىلۋ سالتاناتىندا ءان مەن كۇي اۋەلەدى. سالتاناتتى شاراعا قاتىسقان استانا اكىمىنىڭ ورىنباسارى ەرمەك امانشاەۆ پەن «قازترانسويل» اق باس ديرەكتورى ديماش دوسانوۆ ساحنا تورىنە كوتەرىلىپ, جۇرتشىلىقتى مەرەيلى مەرەكەمەن قۇتتىقتادى.
– ەلوردا – ەلباسى نەگىزىن سالعان قالا. 20 جىل ىشىندە الەمدى مويىنداتقان استانا جەتىستىكتى ەسەلەپ, بيىك بەلەستەردى باعىندىرىپ جاتىر. مۇنى ەلىمىزگە بەرىلگەن ۇلكەن باعا دەپ ەسەپتەيمىز. جالپى, ەلوردا تويىن بۇكىل ەل بولىپ تويلايدى. ءسانى مەن سالتاناتى كەلىسكەن بۇل ەتنواۋىل – سونىڭ ءبىر كورىنىسى. مۇندا تاۋەلسىز ەلدىڭ تاريحىنان سىر شەرتەتىن جادىگەرلەر كوپ ەكەن, – دەگەن ەرمەك امانشاەۆ جينالعانداردى مەرەكەمەن قۇتتىقتاي كەلە, استانالىقتارعا وسىنداي رۋحاني مۇراعا باي اۋىل ۇسىنعانى ءۇشىن «قازترانسويل» كومپانياسىنىڭ ۇجىمىنا ءوزىنىڭ ريزاشىلىعىن ءبىلدىردى.
– قورشاعان ورتانى, ەكولوگيانى قورعاۋ جانە قورلاردى ۇنەمدەۋ – كومپانيامىزدىڭ باستى ماقساتى, – دەدى «قازترانسويل» اق باس ديرەكتورى ديماش دوسانوۆ. – نەگىزگى مىندەتىمىز – جۇمىسشىلارىمىزدىڭ الەۋمەتتىك جاعدايىن جاقسارتا وتىرىپ, ەلىمىزدىڭ ەكونوميكاسىن كوتەرۋگە ۇلەس قوسۋ. ال استانا – تاۋەلسىزدىك پەن جاڭا تاريحتىڭ جانە بولاشاقتىڭ سيمۆولى بولعاندىقتان, ءار وڭىردەگى مۇناي قۇبىرشىلارى ەلوردا تويىنا وسىلاي ۇلەس قوسۋدى ءجون كوردى.
7 شىلدەگە دەيىن ەتنواۋىل اۋماعىندا 500-دەن اسا ادامدى قامتيتىن قايىرىمدىلىق شارالار ءوتىپ, الەۋمەتتىك جاعىنان از قامتىلعان وتباسىلارعا ءتۇرلى سىيلىقتار مەن ازىق-تۇلىك جيىنتىعى ۇلەستىرىلىپ, تۇسكى اس بەرىلمەك.
