سايلاۋ ۋچاسكەڭىزدى قالاي تەكسەرەسىز؟

قازاقستاندا پارلامەنت ءماجىلىسى مەن ءماسليحات دەپۋتاتتارىنىڭ كەزەكتى سايلاۋى 2021 جىلى 10 قاڭتاردا وتەدى.

سايلاۋ كۇنى بەلسەندى سايلاۋ قۇقىعىنا يە, 18 جاسقا تولعان قازاقستان ازاماتتارى ءوز تاڭداۋىن جاساي الادى. داۋىس بەرۋ جەرگىلىكتى اتقارۋشى ورگاندار سايلاۋ ۋچاسكەسىنىڭ اۋماعىندا تىركەلگەن تۇرعىلىقتى جەرى بويىنشا تۇراتىن سايلاۋشىلار ءتىزىمى بويىنشا جۇزەگە اسىرىلادى. سوندىقتان ءوزىڭىزدىڭ سايلاۋ ۋچاسكەڭىزدى الدىن الا ءبىلۋ ماڭىزدى.
مۇنى جسن, تەگى, اتى, اكەسىنىڭ اتىن جانە تۋعان كۇنى نەمەسە سايلاۋشى تىركەلگەن نىساننىڭ (كوشە, ءۇي) مەكەنجايىن كورسەتە وتىرىپ, تومەندەگىدەي قىزمەتتەر ارقىلى جۇزەگە اسىرۋعا بولادى:
1. اكىمدىكتىڭ astana.gov.kz ۆەب-پورتالى («astana.gov.kz/kz/polling/poisk-izbiratelnogo-uchastka» باستى بەتتە «ءوز سايلاۋ ۋچاسكەڭدى تاپ» باننەرىن باسىڭىز);
2. Smart Astana ءموبيلدى قوسىمشاسى («قالالىق قىزمەتتەر» بولىمىندە);
3. @smartastana_bot تەلەگرام-بوتى ارقىلى («قىزمەتتەر» بولىمىندە).
بۇل بايلانىس ارنالارى ارقىلى سايلاۋ ۋچاسكەسىنىڭ ءنومىرىن, ورتالىقتىڭ مەكەنجايى مەن اتاۋىن, سونداي-اق كارتادا سايلاۋ ۋچاسكەسى ورنالاسقان جەردىڭ بەلگىسىن بىلۋگە بولادى.
سونداي-اق عالامتورعا كىرە المايتىن ادامدار ءۇشىن iKomek 109 بىرىڭعاي بايلانىس ورتالىعى جۇمىس ىستەيدى. وسى تەلەفون نومىرىنە قوڭىراۋ شالۋ ارقىلى ازاماتتار ءوز ۋچاسكەسىن تابا الادى.
ەستەرىڭىزگە سالا كەتەيىك, ەلوردادا سايلاۋ قارساڭىندا «بەلسەندى سايلاۋشى» اكتسياسى باستالدى, ونىڭ ناتيجەلەرى 5 قاڭتاردا شىعارىلادى. اكتسيا شارتتارىنا سايكەس, سايلاۋ ۋچاسكەلەرىن ونلاين-قىز­مەتتەر ارقىلى تەكسەرگەن ءاربىر بەس مىڭىنشى قولدانۋشى ەستەلىك سىيلىقتارعا يە بولادى.