بۇدان بىلاي سالىق ساياساتىندا وڭتايلى وزگەرىستەر بولادى. جاڭا سالىق كودەكسىنىڭ جوباسىندا سالىق تولەۋشىنىڭ مۇددەسى بارىنشا قورعالماق. تەكسەرۋلەر جەڭىلدەپ, كاسىپكەرلەرگە قوياتىن تالاپتار دا ازايادى.
ۇلتتىق ەكونوميكا مينيسترلىگىنىڭ ءبىرىنشى ۆيتسە-ءمينيسترى رۋسلان دالەنوۆ قولدانىسقا ەنگەلى تۇرعان جاڭا جوبادا يدەولوگيانى وزگەرتۋ, اكىمشىلەندىرۋگە جاڭا كوزقاراس جانە ىنتالاندىرۋ شارالارىن ەنگىزۋ كوزدەلگەنىن مالىمدەدى. وسىلايشا, ادال سالىق تولەۋشىلەردىڭ مۇددەسى قورعالماق. ءوز بەتىنشە سالىق تولەۋدى ىنتالاندىرۋ ءۇشىن اكىمشىلەندىرۋدى وڭتايلاندىرۋ ۇسىنىلعان ەكەن.
«بۇگىندە ءوز كاسىبىن اشقىسى كەلەتىن ادام سالىقتى قالاي تولەيتىنىن بىلمەۋى مۇمكىن. ول جەڭىل ءارى قاراپايىم تۇردە جاسالعانى ءجون. سوندىقتان ءبىز يدەولوگيانى وزگەرتىپ, ىنتالاندىرۋدى ەنگىزىپ, اكىمشىلەندىرۋدى جەڭىلدەتۋدى قاراستىرىپ وتىرمىز. بارلىق تۇسىنىكسىز داۋلار سالىق تولەۋشىنىڭ پايداسىنا شەشىلەتىن بولادى. مۇنداي قاعيدات سالىقتىق داۋلاردى ءادىل قاراۋعا مۇمكىندىك بەرەدى. ەگەر سالىق تولەۋشى سالىق ورگانىنىڭ تۇسىندىرۋىنە سايكەس ارەكەت ەتەتىن بولسا جانە ۇستانىمىن وزگەرتسە, ايىپپۇل مەن ءوسىمپۇلدى قولدانباۋ ۇسىنىلادى» دەيدى رۋسلان دالەنوۆ. ونىڭ سوزىنە سۇيەنسەك, جەڭىلدىكتەردىڭ تيىمدىلىگىن ناقتى وزگەرىستەر ارقىلى ارتتىرۋ ۇسىنىلىپ وتىر. بۇل كىرىستەردى بولەك ەسەپتەۋگە, مۇلىكتىك, الەۋمەتتىك سالىقتارعا قاتىستى. سونىمەن قاتار اۋكتسيونداردان الىم الۋ جانە كەمە جۇزەتىن سۋ جولدارىن پايدالانۋ تولەمى جويىلادى.
شاعىن جانە ورتا بيزنەستى دامىتۋ ءۇشىن جاڭا بالامالى رەجيم قولدانىسقا ەنەدى. جاڭا جوبادا شاعىن جانە ورتا بيزنەسكە تالاپ قويۋ مەرزىمىن 5 جىلدان 3 جىلعا دەيىن قىسقارتۋ ۇسىنىلعان. جوسپاردان تىس تەكسەرۋلەردى تاعايىنداۋ ءۇشىن نەگىزدەمەلەردىڭ سانى 32-دەن 14-كە, ياعني, 56 پايىزعا قىسقارتىلماق. سالىقتىق اكىمشىلەندىرۋدى وڭتايلاندىرۋعا قاتىستى ناقتى شارالار ۇسىنىلماق.
شاعىن جانە ورتا بيزنەستى دامىتۋ ءۇشىن جاڭا بالامالى رەجيم قولدانىسقا ەنەدى. ۆيتسە-ءمينيستردىڭ سوزىنە قاراعاندا بۇل كىمنىڭ اينالىمى ۇلكەن, بىراق تابىسى از بولسا, سولارعا ءتيىمدى بولماق. ول ءوز تابىسىنىڭ جارتىسىن راستاۋسىز شەگەرە الادى. ال ەگەر شىعىندارىنىڭ ەسەبىن جۇرگىزەتىن بولسا, شىعىندارىن راستاعانى ءۇشىن سىياقى الادى. ارينە, سالىق تولەۋشىلەرگە رەجيمدەردى تاڭداۋ قۇقىعى بەرىلەدى. ايتا كەتەيىك, شاعىن جانە ورتا بيزنەستىڭ دامۋى ءۇشىن قولدانىستاعى ارنايى سالىقتىق رەجيمدەر دە ساقتالادى.
«اكىمشىلەندىرۋدە قاتەلىكتەرگە جول بەرىلمەيدى. سالىق تولەۋگە كومەكتەسۋ قاجەت. تەكسەرىستەردىڭ ءبىر بولىگىن اۋتسورتسينگكە بەرگەن ءجون, بيزنەستى بيزنەس تەكسەرگەنى ابزال. قالعان سالىقتىق تەكسەرىستەر ءۇش باعىتتا جۇرگىزىلەدى. ءبىرىنشىسى, ادال بولىكتى تەكسەرمەۋ كەرەك. ورتا بولىكتى تەك ءىشىنارا تەكسەرۋ قاجەت. ال «قىزىل» ايماقتاعىلار تەكسەرىسكە الىنادى. كىمنىڭ قاي باعىتقا جاتاتىنىن انىقتاپ, ناقتى ەرەجەلەرىن بەلگىلەۋ قاجەت. سوسىن كاسىپكەر «جاسىل» ايماقتا بولۋعا ۇمتىلادى. ەلەكتروندى فاكتۋرالاردى تاپسىرادى, سالالىق جۇكتەمەلەردەن تومەن ەمەس سالىق تولەيدى, ءوز قىزمەتىندە ايقىن كورىنەدى» دەيدى دالەنوۆ.
سونداي-اق, جاڭا جوبادا شاعىن جانە ورتا بيزنەسكە تالاپ قويۋ مەرزىمىن
,5 جىلدان 3 جىلعا دەيىن قىسقارتۋ ۇسىنىلعان. جوسپاردان تىس تەكسەرۋلەردى تاعايىنداۋ ءۇشىن نەگىزدەمەلەردىڭ سانى 32-دەن 14 نەگىزدەمەگە, ياعني, 56 پايىزعا قىسقارتىلماق. سالىقتىق اكىمشىلەندىرۋدى وڭتايلاندىرۋعا قاتىستى ناقتى شارالار ۇسىنىلماق.
گۇلميرا
ايماعانبەت
