قۇرىلىسى ۇزاققا سوزىلعان «التىن شار» تۇرعىن ءۇي كەشەنىنىڭ ءبىرىنشى بلوگى پايدالانۋعا بەرىلدى. «جاعالاۋ-3» اياقتالۋعا جاقىن. قازىر ۇلەسكەرلەرگە پاتەر كىلتتەرى تاپسىرىلىپ جاتىر. نۇر-سۇلتان قالاسىنىڭ اكىمى التاي كولگىنوۆ ۇلەسكەرلەرمەن ارنايى كەزدەسىپ, اڭگىمەلەستى. جۇزدەسۋدىڭ ناتيجەسىن ءوزىنىڭ ينستاگرامداعى پاراقشاسىندا جازدى.
– «التىن شاردى» العاش كورگەن كەزىمدە قۇرىلىسى مۇلدە توقتاپ تۇردى. «GLB» ءۇي̆ قۇرىلىسى كومبيناتىنىڭ قۇرىلىسشىلار مەن كرەديتورلار الدىندا ميلليونداعان قارىزدارى بولدى. كوپپاتەرلى تۇرعىن ءۇي̆ كەشەنى ءۇش بلوكتان تۇرادى. مۇنداعى جۇمىستار قاي̆تا جاڭعىرتىلدى. قۇرىلىس كومبيناتى جۇمىسىنىڭ قاي̆تا جاندانۋىنا مەملەكەت تاراپىنان كومەك كورسەتىلدى.
ءۇي̆دىڭ ءبىرىنشى بلوگىنىڭ قۇرىلىسى اياقتالىپ, پاي̆دالانۋعا بەرىلدى. ۇلەسكەرلەرگە كىلتتەر بەرىلىپ, قۇجاتتار راسىمدەلە باستادى. بۇل – شامامەن 200 وتباسى. كەيبىر وتباسىلار كوپتەن كۇتكەن باسپانالارىنا كىرىپ ۇلگەردى.
جىل سوڭىنا دەي̆ىن اتالعان تۇرعىن ءۇي̆دىڭ ەكىنشى بلوگىن اياقتاۋدى جوسپارلاپ وتىرمىز. سول كەزدە تاعى 200 ۇلەسكەردىڭ ماسەلەسى شەشىلەدى. ءۇشىنشى بلوكتاعى جۇمىستاردى كۇشەي̆تۋدى تاپسىردىم. ول جەردە 218 وتباسى پاتەرىن كۇتىپ وتىر. ۇي̆گە ۋاقىتشا كىرمە جولدار سالدىق, قۇرىلىس جۇمىستارى اياقتالعاننان كەي̆ىن اۋماقتى اباتتاندىرۋعا كىرىسەمىز.
سونىمەن بىرگە قۇرىلىس كومبيناتى «باعىستان» تۇرعىن ءۇي كەشەنىن اياقتاۋ مەن الەۋمەتتىك قولجەتىمدى تۇرعىن ءۇي̆ قۇرىلىسىنا جۇمىلدىرىلعان. ءۇي̆ قۇرىلىسى كومبيناتىنىڭ جۇمىسىن قاي̆تا جاڭعىرتۋ ساپاعا نۇقسان كەلتىرمەي̆, ۇي̆لەردى از ۋاقىتتا سالىپ شىعۋعا جانە شارشى مەتردىڭ وزىندىك قۇنىن تومەندەتۋگە مۇمكىندىك بەرەدى, – دەپ جازدى التاي كولگىنوۆ.
سونىمەن قاتار قالا باسشىسى الەۋمەتتىك جەلى ارقىلى قۇرىلىسى سەگىز جىلعا سوزىلعان «جاعالاۋ-3» تۇرعىن ءۇي كەشەنى تاپسىرىلۋعا جاقىن ەكەنىن حابارلادى
– «جاعالاۋ-3» تۇرعىن ءۇي كەشەنىنىڭ 30-بلوگى قۇرىلىسىنا اقشا سالعان 600-دەن اسا وتباسى الداندى. تۇرعىندارمەن بىرنەشە رەت كەزدەسىپ, كەزەڭ-كەزەڭىمەن اتقارىلاتىن قۇرىلىس كەستەسىن ازىرلەدىك. شەشىلمەگەن ماسەلەلەر كوپ بولدى. قازىرگى ۋاقىتتا ءۇي ورتالىق سۋمەن جابدىقتاۋ, جىلۋ مەن كارىز جۇيەلەرىنە قوسىلدى. تۇرعىن ءۇي كەشەنىن تۇراقتى ەنەرگيامەن جابدىقتاۋ جەلىلەرىنە قوسۋ بويىنشا جۇمىستار جۇرگىزۋدەمىز. قازىر ءۇي ۋاقىتشا ەلەكترمەن جابدىقتالۋدا.
قاسبەت بويىنشا جۇمىستار اياقتالدى. اباتتاندىرۋ جۇمىستارى اياقتالىپ قالدى. كەڭ اۋلامەن قاتار فۋتبول جانە باسكەتبول الاڭدارىن ورناتامىز. جاقىن ارادا جۇمىسشىلار كىرەبەرىستەردى ىشكى ارلەۋگە كىرىسەدى. ليفتتەردىڭ ءبىر بولىگى ورناتىلدى. ءتيىستى جۇمىستار جالعاسۋدا.
«جاعالاۋ-3» نىسانىنىڭ 30-بلوگى قۇرىلىسىن اياقتاپ, ءۇيدى وسى جىلدىڭ سوڭىنا دەيىن پايدالانۋعا بەرۋدى جوسپارلاپ وتىرمىز. ۇلەسكەرلەر جاڭا جىلدى كوپتەن كۇتكەن پاتەرلەرىندە قارسى الادى. سونىمەن قاتار «جاعالاۋ-3» تۇرعىن ءۇي كەشەنىنىڭ 28 جانە 29 بلوكتارى قۇرىلىسىن اياقتاۋ بويىنشا جۇمىستار جۇرگىزۋدەمىز.
قۇرىلىسى ۇزاققا سوزىلعان نىسانداردىڭ قۇرىلىسىن قايتا باستاۋ جانە اياقتاۋ وڭاي ماسەلە ەمەس. ءاربىر ءۇي جەكە جۇمىستى تالاپ ەتەدى. وسى باعىتتا ءتيىستى جۇمىستار جۇرگىزەمىز, – دەپ جازدى التاي كولگىنوۆ.
