نۇر-سۇلتان قالاسىنىڭ بىرلەسكەن مۇراجايلار ديرەكتسياسىنا قارايتىن س.سەيفۋللين مۋزەيىنىڭ «سىرساندىق» سەرياسىنىڭ 8-كىتابى «فوليانت» باسپاسىنان جارىق كوردى.
«ساكەن تۇلعاسى تاريح تورىندە» اتالاتىن بۇل ەڭبەكتىڭ اۆتورى – ونەر زەرتتەۋشى, تۇلعاتانۋشى سەرىك وسپانوۆ, جاۋاپتى شىعارۋشى – اتالمىش مۋزەي ديرەكتورى, اقىن نەسىپبەك ايتۇلى, عىلىمي رەداكتورى – ساكەنتانۋشى نازگۇل ساپيانوۆا.
كەزەكتى رەت شىعىپ وتىرعان بۇل عىلىمي-دەرەكتى جيناق قۇرىلعانىنا 100 جىل تولعان قازاق رەسپۋبليكاسىنىڭ مەرەيتويى اياسىندا, تاۋەلسىز مەملەكەت قۇرۋ جولىندا ءوز جاندارىن پيدا ەتكەن ۇلت ارىستارىنىڭ ورىس وتارشىلدىعى مەن ينتەرۆەنتسياعا قارسى ساياسي كۇرەسى الاشوردا, اق گۆارديا, كەڭەس ۇكىمەتى كوسەمدەرىنىڭ تەكەتىرەسى ارحيۆتىك قۇجاتتار مەن تاريحي دەرەكتەرگە قۇرىلعان.
جيناقتا 1922-1925 جىلدارى قىرعىز (قازاق) اسسر-ءنىڭ حالىق كوميسسارلارى كەڭەسىنىڭ توراعاسى بولعان مەملەكەت جانە قوعام قايراتكەرى, اقىن, كومپوزيتور, اعارتۋشى, جازۋشى-دراماتۋرگ فولكلورتانۋشى-عالىم ساكەن (سادۋاقاس) سەيفۋلليننىڭ ورىنبور كەزەڭىندەگى قىزمەتى قامتىلعان.
بايان اسىلبەكوۆا
