اۋىل» حالىقتىق-دەموكراتيالىق پاتريوتتىق پارتياسىنىڭ اقمولا وبلىسى بويىنشا فيليالى قايتا وڭدەۋ سالاسى ماسەلەلەرى بويىنشا كوشپەلى كەڭەس وتكىزدى.
«ايان» ديىرمەندى-ماكارون كومبيناتى» جشس-ءنىڭ ءوندىرىس الاڭىندا وتكەن باسقوسۋعا پارتيا باسشىلىعى جانە قايتا وڭدەۋ كومپانيالارىنىڭ وكىلدەرى قاتىستى. پارتيا توراعاسىنىڭ ءبىرىنشى ورىنباسارى تولەۋتاي راقىمبەكوۆ كومبينات ەڭبەككەرلەرىمەن كەزدەسىپ, پارتيا باعدارلاماسىنىڭ جوباسىمەن تانىستىردى جانە باسىمدىق باعىتتارىن ايتىپ ءوتتى. سونداي-اق اۋىل شارۋاشىلىعى ونىمدەرىن ءوندىرۋ سالاسىندا وزەكتى ماسەلەلەردى سول سالادا جۇمىس جاساپ جاتقان ەڭبەك ادامدارىمەن تالقىلادى.
«ءبىز اۋىل شارۋاشىلىعى ونىمدەرىن شىعاراتىن كاسىپورىندارعا ءجيى بارامىز جانە ولاردىڭ ايتقان ماسەلەلەرىن جوعارى جاققا جەتكىزىپ, شەشۋ جولدارىن قاراستىرامىز. جالپى ەلىمىز بويىنشا 270-كە جۋىق وسىنداي كاسىپورىن بار. بۇلاردىڭ بارلىعىنىڭ قۋاتى جىلىنا 11-12 ميلليون توننا ءداندى داقىلداردى قايتا وڭدەي الادى. وكىنىشتىسى سول, وسى كاسىپورىندار 2019 جىلى تەك 5 ميلليون ءداندى داقىل وڭدەگەن. كورسەتكىشتى كوتەرۋ ءۇشىن مەملەكەتتىك ساياساتتى وزگەرتۋىمىز كەرەك» دەدى ت.راقىمبەكوۆ.
«ايان» ديىرمەندى-ماكارون كومبيناتىنىڭ كوممەرتسيالىق ديرەكتورى اننا كيمنىڭ ايتۋىنشا, بۇگىنگى كۇنى كومبينات تولىق تسيكلدى جۇمىس جاسايدى. ياعني بيداي ءوسىرىپ, ۇن جانە ۇن ونىمدەرىن شىعارادى. بۇگىنگى كۇنى ديىرمەن تاۋلىگىنە 200 توننا بيداي وڭدەيدى. «ءبىزدىڭ ونىمدەرىمىز ەلىمىزدىڭ ىشكى نارىعىنا جانە وزبەكستان, قىرعىزستان, اۋعانستان ەلدەرىنە جەتكىزىلەدى. ونىڭ ىشىندە جالپى ۇننىڭ 50 پايىزى ىشكى نارىققا جونەلتىلەدى.
تولەۋتاي راقىمبەكوۆ 2007-2009 جىلدارى قازاقستان ۇن ەكسپورتىنان دۇنيە جۇزىندە ءبىرىنشى ورىنعا شىققانىن, بىراق سوڭعى جىلدارى بۇل كورسەتكىش تومەندەگەنىن ايتتى. «مىسالى, تاجىكستان ءوزىنىڭ ۇنعا دەگەن سۇرانىسىنىڭ 95 پايىزىن ءبىزدىڭ ۇنمەن جاباتىن. ال قازىر ولاي ەمەس. ستاتيستيكاعا سۇيەنسەك, بىلتىر وزبەكستان مەن تاجىكستانعا 700 مىڭ توننا عانا ۇن جەتكىزگەن ەكەنبىز, بيدايعا ەسەپتەگەندە 1 ميلليون توننا, ال بيداي رەتىندە 3,5 ميلليون توننا شىعارىپپىز» دەدى ول.