ەلباسى نۇرسۇلتان نازارباەۆ ۇسىنعان بەس الەۋمەتتىك باستاما – بۇل ەلدىڭ ءاربىر ازاماتىنا دەگەن قامقورلىق. پرەزيدەنت اعا بۋىن مەن جاستاردى تولعاندىراتىن ەڭ ماڭىزدى ماسەلەلەردى كوتەردى.
ءبىزدىڭ بولاشاعىمىز قولجەتىمدى جانە ساپالى جوعارى بىلىمگە تاۋەلدى. قازىرگى تاڭدا 530 مىڭنان استام جاس قازاقستاندىقتار ەلىمىزدىڭ جوعارى وقۋ ورىندارىندا ءبىلىم الادى, ولاردىڭ 30%-ى تەگىن نەگىزدە. ەلباسىنىڭ بەس الەۋمەتتىك باستاماسىنداعى ءبىلىم الۋعا قوسىمشا 20 مىڭ گرانت ءبولۋ, مەكتەپ تۇلەكتەرىنە اسا سەرپىن بەرەدى دەپ ەسەپتەيمىن. ۇبت جۇيەسىندەگى رەفورمالار جانە الەمدىك ستاندارتتار ارقىلى ءبىلىم جۇيەسىن قۇرۋمەن قاتار, قوسىمشا گرانتتار ەلىمىزگە جاڭا 20 مىڭ تاجىريبەلى مامانداردى دايارلايدى. سونداي-اق, ستۋدەنتتەرىمىزدى باسپانامەن قامتاماسىز ەتۋ ماسەلەسى دە نازاردان تىس قالعان جوق. ەلباسى 2022-ءشى جىلدىڭ سوڭىنا دەيىن 75 مىڭ ورىننان كەم ەمەس ستۋدەنتتىك جاڭا جاتاقحانالاردىڭ قۇرىلىسىنا تاپسىرما بەردى. بۇل – قالا جانە اۋىل جاستارىنىڭ ءبىلىم الۋىنا بارلىق جاعداي جاسالادى دەگەن ءسوز.
جاقىن ارادا استاناعا كوپتەن كۇتكەن گاز كەلەدى. باس قالاعا گاز تارتۋ جونىندەگى كوپتەگەن جىلدارعا سوزىلعان كۇردەلى ماسەلە ءوز شەشىمىن تابادى. ەلىمىزدىڭ ورتالىق جانە سولتۇستىك وڭىرلەرىن گازبەن قامتاماسىز ەتۋ ەلباسىنىڭ بەسىنشى الەۋمەتتىك باستاماسى بولىپ تابىلادى. راسىندا, قىزىلوردا وبلىسىنان تارتىلاتىن گاز قالا تۇرعىندارىنا تازا اۋانى وڭالتىپ, اتموسفەراعا زياندى قالدىقتاردىڭ شىعارىلۋىن ءبىرشاما ازايتىپ, ەكولوگيالىق جاعدايدى جاقسارتادى. بۇل قاراپايىم حالىق ءومىرىنىڭ ساپاسىنا جانە وتباسىلىق بيۋدجەتتىڭ ۇنەمدەۋىنە اسەرىن تيگىزەدى. كوك وتىندى 2 ميلليون 700 مىڭ قازاقستاندىق تۇتىناتىن بولادى. بار ماسەلە ايتىلعان ۋاقىتتا ىسكە اسىرىلاتىنىنا ۇمىتتەنەمىز. ال ءبىز, دەپۋتاتتار, ءوز تاراپىمىزدان ەلباسى باستاماسىنىڭ ساپالى ىسكە اسۋىنا جەدەل جاردەمدەسەتىن بولامىز.
قاراقات ابدەن,
استانا قالالىق
ءماسليحاتىنىڭ دەپۋتاتى
