جەكسەنبى كۇنى ەلوردادا ماسلەنيتسا مەرەكەسىنە وراي حالىقتىق سەرۋەن ۇيىمداستىرىلدى. ءداستۇرلى مەرەكە اپتا بويى تويلانادى.
سلاۆيان جۇرتىنىڭ قىستى شىعارىپ سالۋ مەيرامىن «جاستار» سارايى الدىنداعى الاڭدا وتكىزۋ جوسپارلانعان بولاتىن. الايدا, قار جاۋىپ كۇرت سۋىتقان اۋا رايىنا بايلانىستى اپتا بويى جالعاسقان ماسلەنيتسانىڭ سوڭعى كۇنى عيمارات ىشىندە تويلاندى. ءان-بيدەن, ۆيكتورينالىق سۇراقتار مەن سپورتتىق ويىنداردى قامتىعان كوڭىلدى باعدارلامانى جۇرگىزۋگە ەتنو-مادەني بىرلەستىكتەردىڭ وكىلدەرى, «وبەرەگ» ۋكرايندار قوعامى, «تاڭ» تاتار-باشقۇرت مادەني ورتالىعىنىڭ مۇشەلەرى اتسالىستى. شاراعا قاتىسقان استانالىقتار مەرەكە نىشانى – ىستىق قۇيماقتاردان ءدام تاتتى. سونداي-اق, جينالعان جۇرت كەشىرىمدى جەكسەنبىنى اتاپ ءوتىپ, كەشە حريستياندار اۋىز بەكىتتى. وسىلايشا ولار قىرىق كۇن بويى پاسحا مەرەكەسىنە دايىندالادى.
