نۇر-سۇلتان قالاسىندا «جۇمىس ورىندارىن قۇرۋ ينتەگراتسيالىق كارتاسى» اقپاراتتىق جۇيەسى ىسكە قوسىلعالى ەڭبەك نارىعىنداعى جاعداي جاقسارا ءتۇستى. سونىڭ ءبىر ايعاعى – جىل باسىنان بەرى 9 مىڭعا جۋىق جۇمىس ورنى قۇرىلدى.
جاقىندا وسى ماسەلەنىڭ ءمان-جايىن ايقىنداۋ ماقساتىندا نۇر-سۇلتان قالاسى اكىمىنىڭ ورىنباسارى ەرلان كاناليموۆتىڭ توراعالىق ەتۋىمەن ينۆەستيتسيالار جانە كاسىپكەرلىكتى دامىتۋ, قۇرىلىس جانە تۇرعىن ءۇي ساياساتى, قالالىق ورتانى رەگەنەراتسيالاۋ, تىلدەردى دامىتۋ جانە ارحيۆ ءىسى, وتىن-ەنەرگەتيكالىق كەشەنى جانە كوممۋنالدىق شارۋاشىلىق, ستراتەگيالىق جانە بيۋدجەتتىك جوسپارلاۋ, ءبىلىم, قوعامدىق دەنساۋلىق ساقتاۋ, جۇمىسپەن قامتۋ جانە الەۋمەتتىك قورعاۋ باسقارمالارىنىڭ جانە جۇمىسپەن قامتۋ ورتالىعى باسشىلارىنىڭ قاتىسۋىمەن جيىن ءوتتى. باسقوسۋدا مەملەكەتتىك, سالالىق باعدارلامالار مەن جەكە باستامالار شەڭبەرىندە جاڭا جۇمىس ورىندارىن قۇرۋ ماسەلەسىن تالقىلادى. قۇرىلاتىن جۇمىس ورىندارىن ءجۇيەلەندىرۋدى جانە ەسەپكە الۋدى قامتاماسىز ەتۋ ماقساتىندا قر ەڭبەك جانە حالىقتى الەۋمەتتىك قورعاۋ مينيسترلىگى جاڭا مەملەكەتتىك جانە ۇكىمەتتىك باعدارلامالاردى ىسكە اسىرۋعا جاۋاپتى ورتالىق پەن جەرگىلىكتى اتقارۋشى ورگانداردىڭ جۇمىس ورىندارىن قۇرۋىنا, سونداي-اق جۇمىس ورىندارىن قۇرۋ تۋرالى مالىمەتتەر ۇسىنۋىنا مونيتورينگتى جۇزەگە اسىرۋ قاعيدالارىن قابىلداعان بولاتىن.
بۇگىنگى تاڭدا مينيسترلىك ازىرلەگەن «جۇمىس ورىندارىن قۇرۋ ينتەگراتسيالىق كارتاسى» اقپاراتتىق جۇيەسى جۇمىس ورىندارىن قۇرۋدىڭ ناقتى جاعدايىن بەينەلەپ وتىرعانىن ايتۋعا ءتيىسپىز. بۇل رەتتە جۇيەنىڭ جۇمىسپەن قامتۋ ساياساتىن ىسكە اسىرۋ بولىگى مەملەكەتتىك باعدارلامالاردىڭ تيىمدىلىگىن باعالاۋدىڭ جاڭا ءتاسىلىن قامتاماسىز ەتەدى.
جيىن بارىسىندا نۇر-سۇلتان قالاسىندا 2019 جىلى جۇمىس ورىندارىن قۇرۋ جونىندەگى جول كارتاسىن جۇزەگە اسىرۋ ماسەلەلەرى قارالدى. جۇمىس ورىندارىن قۇرۋ, دەربەس جاۋاپتى تۇلعالاردى ايقىنداۋ جانە «جۇمىس ورىندارىن قۇرۋ ينتەگراتسيالىق كارتاسى» اقپاراتتىق جۇيەسىن سۇيەمەلدەۋ تۇرعىسىنان مەملەكەتتىك, سالالىق پەن جەكە باستاماشىل باعدارلامالار اكىمشىلەرىنە تاپسىرمالار جۇكتەلدى. جالپى, جىل باسىنان بەرى ەلوردادا 8846 تۇراقتى جۇمىس ورىندارى قۇرىلعان. اكىمدىك تاراپىنان حالىقتى جۇمىسپەن قامتۋ جونىنەن جان-جاقتى شارالار ۇيىمداستىرىلىپ, جۇمىس ىزدەگەن ادامدارعا قولداۋ كورسەتۋ بويىنشا جۇيەلى جۇمىستار قولعا الىنىپ وتىر.
ەرتەڭ ەلوردادا وتەتىن جۇمىس جارمەڭكەسىندە 2000 بوس جۇمىس ورنى ۇسىنىسقا شىعارىلادى. جالپى, قالا بويىنشا بۇگىندە 7000-نان اسا ۆاكانسيا بار. ولاردىڭ 58 پايىزىندا جالاقى مولشەرى – 100 مىڭ تەڭگەنىڭ ۇستىندە. تۇپتەپ ايتقاندا, تالاپتانعان ادامعا قالالىق جۇمىسپەن قامتۋ ورتالىعىنان كەڭەس تە, كومەك تە الۋعا بولادى.
