كينو جانە تەاتر اكتريساسى, قازاق كسر حالىق ءارتىسى بيكەن ريموۆانىڭ 100 جىلدىعى اياسىندا استانادا ونىڭ اتىنداعى تالدىقورعان دراما تەاترى گاسترولدىك ساپارمەن بولدى.
ونەر ۇجىمى باس قالاداعى «جاستار» تەاترى ساحناسىندا ءۇش قويىلىم كورسەتتى. ونىڭ العاشقىسى ايدانا الاماننىڭ «جالقاۋدىڭ جىرى» ەرتەگىسى (قويۋشى رەجيسسەرى – قازاقستان جاستار وداعى «سەرپەر» سىيلىعىنىڭ لاۋرەاتى ن.وتەۋلينوۆا). بۇعان قوسا, بيكەن ريموۆانىڭ قالامىنان تۋعان «قوس مۇڭلىق» دراماسى (رەجيسسەرى – قازاقستاننىڭ ەڭبەك سىڭىرگەن ءارتىسى مۇرات احمانوۆ) جانە قولعانات مۇراتتىڭ «مۇعالىم» الەۋمەتتىك-مۋلتيمەديالىق دراماسى (رەجيسسەرى – دانيار بازارقۇلوۆ) ۇسىنىلدى.
«جاستار» تەاترىنىڭ فويەسىندە بيكەن ريموۆانىڭ عاسىرلىق مەرەيتويىنا ارنالعان كورمە ۇيىمداستىرىلدى. گاسترول سوڭىندا «جاستار» تەاترىنىڭ ديرەكتورى دوسىمجان تاڭاتاروۆ پەن قوعام قايراتكەرى ورازكۇل اسانعازى ونەر ۇجىمى تۋرالى جىلى لەبىزدەرىن جەتكىزىپ, ەستەلىك سىيلىقتاردى تاپسىردى. ءا.مامبەتوۆ اتىنداعى مەملەكەتتىك دراما جانە كومەديا تەاترى دا تالدىقورعاندىق تەاتر ونەرپازدارىنا قوناقجايلىق تانىتىپ, ءبىر توپ ادامدى «ءازىربايجان مامبەتوۆ» توسبەلگىسىمەن ماراپاتتادى.
