ق.قۋانىشباەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىندا بيىل 100-دەن اسا شارا ءوتتى. بىرقاتارى پاندەمياعا دەيىن ۇيىمداستىرىلدى.
فاريزا وڭعارسىنوۆا تۋرالى «سەنىڭ ماحابباتىڭ» پوەتيكالىق كەشى, اينۇر بەرمۇحامەدوۆانىڭ «اينۇر الەمى» اتتى كەشى جانە ۇلى جەڭىستىڭ 75 جىلدىق مەرەيتويىنا وراي تىلەكتەس مەيراموۆتىڭ «مايدان اندەرى» اتتى سپەكتاكلى بولدى. كارانتين كەزىندە كورەرمەنگە ونلاين فورماتتا تەلەارنا ارقىلى 24 سپەكتاكل ۇسىنىلدى. ودان بولەك, تەاتر ۇجىمى ونلاين فورماتتا كوپشىلىكپەن ۇندەسىپ, ءتۇرلى شارالار, جەكەلەگەن ەفيرلەر وتكىزدى. تالاي جىل الدىڭعى تولعىن اعا-اپكەلەرىمىزدىڭ ارمانى ورىندالىپ, جاڭا ءزاۋلىم عيماراتقا كوشتىك. 26 قاراشا كۇنى ەلباسىنىڭ قاتىسۋىمەن تەاتر اشىلدى. ودان بەرى دە ءتۇرلى شارا ءوتىپ جاتىر. جالپى, بيىل تەاتر ۇجىمى 100-دەن اسا شارا وتكىزدى» دەدى ق.قۋانىشباەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىنىڭ كوركەمدىك جەتەكشىسى, قر ەڭبەك سىڭىرگەن قايراتكەرى قۋاندىق قىستىقباەۆ.
