نۇر-سۇلتان قالاسى اكىمدىگىنىڭ ءباسپاسوز ورتالىعىندا ءبىلىم باسقارماسىنىڭ باسشىسى شولپان قادىروۆا ەلوردا مەكتەپتەرىنىڭ ءۇشىنشى توقساندى قالاي وقيتىندىعى تۋرالى حابارلادى.
11 قاڭتاردا وقۋ جىلىنداعى ەڭ ۇزاق ءۇشىنشى توقسان باستالادى. 1-5-سىنىپ وقۋشىلارى دا «كەزەكشى سىنىپ» رەجيمىندە ءبىلىمىن جالعاستىرادى. بۇل تۋرالى اكىمدىكتەگى بريفينگ بارىسىندا نۇر-سۇلتان قالالىق ءبىلىم باسقارماسىنىڭ باسشىسى شولپان قادىروۆا ايتتى. «ءۇشىنشى توقساندا ءبىتىرۋشى سىنىپتار (9, 11, 12-سىنىپتار) كەزەكشى ساباق ءپرينتسيپى بويىنشا ارالاس فورماتتا وقۋدى باستايدى. سىنىپتاعىلار سانى 15 ادامنان اسپايدى. وفلاين ساباق كەستەسىنە ينۆاريانتتى كومپونەنتتىڭ پاندەرى كىرەدى: ورىس ءتىلى مەن ادەبيەتى, قازاق ءتىلى مەن ادەبيەتى, شەت ءتىلى, الگەبرا, گەومەتريا, فيزيكا, حيميا, بيولوگيا, گەوگرافيا, قازاقستان تاريحى جانە دۇنيە ءجۇزى تاريحى. بۇل – پاندەردىڭ 70 پايىزى. قالعان 30 پايىز پاندەر قاشىقتان وقۋ فورماتىندا وتەدى. بۇل بۇل – ينفورماتيكا, ءوزىن-ءوزى تانۋ, دەنە شىنىقتىرۋ, قۇقىق نەگىزدەرى, العاشقى اسكەري دايىندىق. سونداي-اق اۋىسپالى كومپونەنتتىڭ تاقىرىپتارى كەستەگە سايكەس اسينحروندى تۇردە وتەدى» دەدى شولپان قادىروۆا.
بيىلعى وقۋ جىلىندا ەلوردادا 9-سىنىپتا 13215, 11-سىنىپتا 7567 بالا وقيدى. «مەكتەپتەردە يكەمدى كەستەلەر بولادى, ساباقتار اراسىنداعى ءۇزىلىس ءار سىنىپقا ءارتۇرلى ۋاقىتتا بەرىلەدى. ال الەۋمەتتىك اراقاشىقتىق ءۇشىن اۋىسىم كوبەيتىلەدى. ءبىر ساباقتىڭ ۋاقىتى 5 مينۋتتىق ءۇزىلىس پەن 30 مينۋتتان اسپايدى» دەپ ءتۇسىندىردى باسقارما باسشىسى.
بۇگىندە مەكتەپكە دەيىنگى ۇيىمداردا ءاربىر توپتا بارلىق سانيتارلىق تالاپتاردى ساقتاي وتىرىپ, اتا-انالاردىڭ قاتىسۋىنسىز «قوش كەلدىڭ, جاڭا جىل» تاقىرىبىندا مەرەكەلىك ساباقتار وتكىزىلۋدە. جاڭا جىلدىق ساباقتاردى وتكىزۋ ءۇشىن توپتار تاقىرىپقا سايكەس بەزەندىرىلگەن. ءار توپقا شىرشا مەن ەرتەگى كەيىپكەرلەرى ورناتىلدى. مەرەكەلىك ساباقتاردىڭ ستسەناريىنە سايكەس ءار بالا مەرەكەلىك كيىممەن قاتىسادى» دەدى ول.
سونىمەن قاتار, ەكىنشى توقساندا «ەلوردالىق ەلەكتروندى مەكتەپ» پلاتفورماسى ازىرلەندى, وندا ءبىلىم بەرۋدىڭ بارلىق دەڭگەيلەرى بويىنشا 5295 اۆتورلىق بەينەساباقتار جۇكتەلدى. پلاتفورمانى قولدانۋشىلاردىڭ ءوسۋى بايقالادى, قارالىم سانى 10 ميلليوننان اسقان.
كوكتەم قارقىن
