نۇر-سۇلتان قالاسى سوتىنىڭ توراعاسى تلەكتەس ەشەيۇلىنىڭ باستاماسىمەن سۋديالار وداعىنىڭ نۇر-سۇلتان قالاسى بويىنشا فيليالى جاقىندا ءۇش كەزەڭنەن تۇراتىن قالالىق سوتتا سۋديالار مەن سوت قىزمەتكەرلەرىنىڭ سايىسىن ۇيىمداستىردى.
سايىسقا ەلوردا سوتتارىنىڭ 103 سۋدياسى مەن 86 سوت قىزمەتكەرى قاتىسىپ, باق سىنادى. ءىس-شارانىڭ باستى ماقساتى – ورىس مەكتەبىن تامامداعان جانە وزگە ۇلت وكىلدەرىنەن قۇرالعان سۋديالار مەن سوت قىزمەتكەرلەرىنىڭ مەملەكەتتىك تىلدە ويىن جەتكىزۋىن, ءتىل بايلىعى مەن مادەنيەتىن انىقتاۋ.
سايىسكەرلەر ءبىرىنشى كەزەڭدە ابايدىڭ قارا سوزدەرىندە ايتىلعان وي-تۇجىرىمداردىڭ ءمان-ماڭىزىن اشىپ, ويىن ورتاعا سالدى. ال ەكىنشى كەزەڭدە عۇلاما جازۋشى مۇحتار اۋەزوۆتىڭ شىعارمالارىنا توقتالسا, ءۇشىنشى كەزەڭدە تاۋەلسىزدىك تاقىرىبىنا مەملەكەتتىك تىلدە ەسسە جازدى.
جەڭىمپازداردى ماراپاتتاۋ ءراسىمى تاۋەلسىزدىكتىڭ 30 جىلدىعى قارساڭىندا وتەدى.
بوتاگوز بايانوۆا, نۇر-سۇلتان قالاسى
سوتىنىڭ ءباسپاسوز قىزمەتى جەتەكشىسى
