ەلوردا اكىمى التاي كولگىنوۆ «Kayaturk Group» كومپانياسىنىڭ ينۆەستورلارىمەن بىرلەسىپ, توقىما فابريكاسى مەن ازىق-تۇلىك سۋپەرماركەتىنىڭ قۇرىلىس ماسەلەسىن تالقىلادى. بۇل تۋرالى قالا باسشىسى ءوزىنىڭ Instagram-داعى پاراقشاسىندا جازدى.
«ىشكى نارىقتا فابريكالار مەن زاۋىتتارعا, كوتەرمە ساۋدا جانە قويمادان تاراتۋ ورىندارىنا سۇرانىس بار. سوندىقتان ەلورداعا جانە قالا تۇرعىندارىنا ماڭىزدى مۇنداي نىسانداردى كوپتەپ اشىپ جاتىرمىز. ولاردان شىعاتىن ءونىمدى مىسالى, جاڭا نىسانداردىڭ قۇرىلىسىنا; تۇرعىن ءۇي كوممۋنالدىق شارۋاشىلىعىن مودەرنيزاتسيالاۋعا; ينجەنەرلىك توراپتاردى الماستىرۋعا پايدالانۋعا بولادى. سونىمەن بىرگە تارماقتالعان جەلىلەردى سالۋ قاجەتتىگىن پاندەميا دا كورسەتىپ وتىر. «Kayaturk Group» كومپانياسىنىڭ ينۆەستورلارىمەن بىرلەسىپ, توقىما فابريكاسى مەن ازىق-تۇلىك سۋپەرماركەتى قۇرىلىسى ماسەلەسىن تالقىلادىق. حولدينگتىڭ قۇرىلتايشىسى ابدۋل ناسىر چەتين – تۇراقتى جۇمىس ورىندارى اشىلىپ, ءوندىرىس جولعا قويىلاتىنىن اتاپ ءوتتى» دەپ جازدى ا.كولگىنوۆ.
سونىمەن قاتار قالا باسشىسى ينۆەستورلارمەن جەكەلەگەن كەزدەسۋلەرمەن قوسا ينۆەستيتسيالىق كەڭەستەر دە وتكىزىزىپ جۇرگەنىن تىلگە تيەك ەتتى. وڭىرلىك ينۆەستيتسيالىق كەڭەستە قولداۋ تاپقان جۇمىستاردىڭ ىشىندە الەۋمەتتىك, ينفراقۇرىلىمدىق, وندىرىستىك, لوگيستيكالىق جانە باسقا دا جوبالار بار ەكەنىن اتاپ ءوتتى. «قۇرىلىس جەكەمەنشىك قاراجاتقا جۇرگىزىلەدى. ءار ينۆەستورمەن جەكە جۇمىس ىستەپ, پايدا بولعان اكىمشىلىك توسقاۋىلداردى جويىپ جاتىرمىز» دەپ ءسوزىن تۇيىندەدى اكىم.
