ەلوردالىق تسيفرلاندىرۋ جانە مەملەكەتتىك قىزمەتتەر باسقارماسىنىڭ باسشىسى بوتاگوز قاسابەك كوشپەلى كەڭەس بارىسىندا قالالىق ءماسليحات دەپۋتاتتارىنا قالانى تسيفرلاندىرۋ بويىنشا اتقارىلعان جۇمىستار جانە 2021 جىلى ىسكە اسىرىلعان باسقا دا IT-جوبالار تۋرالى ايتتى. ايتا كەتۋ كەرەك, الەۋمەتتىك سالانى اۆتوماتتاندىرۋ – قالانى تسيفرلاندىرۋدىڭ نەگىزگى باعىتتارىنىڭ ءبىرى.
«بۇگىندە جۇمىسسىز ازاماتتاردى قىسقا مەرزىمدى وقىتۋعا وتىنىمدەردى بەرۋ جانە قاراۋ پروتسەسى اۆتوماتتاندىرىلدى. بىرەگەي QR-كودتارىن سكانەرلەۋ ارقىلى قىزمەتكەردىڭ جۇمىس ورنىنا بارۋىن راستاۋ جانە تىركەۋ قۇرالى ازىرلەندى» دەپ حابارلادى بوتاگوز قاسابەك.
قازىرگى ۋاقىتتا نۇر-سۇلتاننىڭ بارلىق ءبىلىم بەرۋ جانە دەنساۋلىق ساقتاۋ نىساندارى 100 پايىز بەينەباقىلاۋ جۇيەسىمەن جابدىقتالعان.
ەلوردالىق مەديتسينالىق ۇيىمداردا دارىگەرلەر ەسىگىنە QR-كودى بار ارنايى تاقتايشالار ورناتىلدى. №65 مەكتەپ پەن №2 مەكتەپتىڭ ايالداماسىندا ۋلتراكۇلگىن باكتەريتسيدتى شامنىڭ كومەگىمەن باكتەريالاردى جويۋعا قابىلەتتى اۋانى اۆتوماتتاندىرىلعان يونداۋ قۇرالى ورناتىلعان. سونىمەن قاتار جۇيەدە ءتۇتىن داتچيگى جانە بەينەباقىلاۋ كامەرالارى بار.
بيىل دەنساۋلىق جاعدايى بويىنشا ەسەپتە تۇرعان تۇلعالارعا ارنالعان QR-بىلەزىكتەردى اپروباتسيالاۋ ىسكە قوسىلدى. قيىن جاعدايلاردا Damumed جۇيەسىنەن پاتسيەنت تۋرالى تولىق اقپارات شىعاتىن «Smart Astana» ءموبيلدى قوسىمشاسى ارقىلى بىلەزىكتەگى QR-كودتى سكانەرلەۋ قاجەت. سونداي-اق سكانەرلەۋ كەزىندە سەنىمدى تۇلعاعا گەولوكاتسيانى كورسەتە وتىرىپ, قيىن جاعداي تۋرالى sms-حابارلاما كەلەدى. اتالعان قاناتقاقتى جوبا №15 ەمحانادا اپروباتسيادان وتۋدە, وعان 140 QR-بىلەزىك بەرىلدى.
بيىل قىركۇيەك ايىندا وقۋشىلار سارايىندا Tanym كرەاتيۆتى تەحنولوگيالار ورتالىعى اشىلدى. ونىڭ نەگىزگى مىندەتى – ساندىق تەحنولوگيالارعا, شىعارماشىلىققا جانە باعدارلامالاۋدى ۇيرەنۋگە باعدارلاۋ.
«قازىرگى ۋاقىتتا نۇر-سۇلتاندا بايلانىس دەڭگەيىن ارتتىرۋ ءۇشىن 12 انتەننا-دىڭگەك تىرەكتەرى ورناتىلدى. بۇل كۇندەرى «قازاقتەلەكوم» اق-پەن بىرلەسىپ, ۇيگە سىمسىز ينتەرنەت FWA (Fixed Wireless Access) تەحنولوگياسىن العاش رەت ەنگىزدى. بۇل Damumed تالشىقتى-وپتيكالىق بايلانىس جەلىلەرىمەن جابىلماعان جەرلەردە قولدانىلاتىن 4G نەگىزىندەگى تەحنولوگيا. بازالىق ستانسالاردى ورناتۋ «وڭتۇستىك-شىعىس» اۋدانىندا باستالدى. نۇر-سۇلتان اۋماعىندا FWA ورناتۋ جۇمىستارى جالعاسادى» دەپ قوستى سپيكەر.
سونىمەن قاتار ەلوردانىڭ يننوۆاتسيالىق الەۋەتىن دامىتۋ ءۇشىن بيىل Birge ورتاق يدەيالارىنا ارنالعان پلاتفورما ىسكە قوسىلدى. پلاتفورما تۇرعىندارعا قالا تىرشىلىگىنىڭ بارلىق باعىتتارى بويىنشا يدەيالار ۇسىنۋعا مۇمكىندىك بەرەدى. تسيفرلىق جوبانى birge-elorda.kz سىلتەمەسى بويىنشا ەتسق كىلتى ارقىلى پايدالانۋعا بولادى.
سونىمەن قاتار قاتاڭ سانيتارلىق نورمالاردى ساقتاي وتىرىپ, IT-شارالار جۇيەلى تۇردە وتكىزىلىپ تۇرادى. 2021 جىلى رەسپۋبليكالىق STEM-وليمپيادا, Digital Bridge-دە «Smart City» پانەلدىك سەسسياسى, IT-كەڭەستىڭ 4 كەزدەسۋى وتكىزىلدى. كەڭەس قۇرىلعان ساتتەن باستاپ بارلىعى 50-گە جۋىق IT-شەشىم قارالدى.
ەلوردانىڭ تسيفرلىق قوسارلانۋى بويىنشا نۇر-سۇلتان قالاسىنىڭ گەواقپاراتتىق ورتالىعىن قۇرۋ ورىندالدى. ەلوردانىڭ كولەمى 801 كم2 جەر ۋچاسكەسى 1 پيكسەلگە 3 سم-گە دەيىنگى دالدىكپەن تسيفرلاندىرىلدى. قالانىڭ رەلەفى مەن رەلەفىنىڭ تسيفرلىق مودەلدەرى تولىعىمەن سالىندى, قۇرىلىس بولىگىنىڭ 100 پايىزى 2D جانە 3D مودەلدەرى سالىندى. 16000 كم استام ينجەنەرلىك جەلىلەر تسيفرلاندىرىلدى. ينجەنەرلىك-گەودەزيالىق جۇمىستاردىڭ قورىتىندىلارى بويىنشا 144000-عا جۋىق ماگيسترالدىق جانە كۆارتالىشىلىك جەلىلەر قۇدىعى ءتۇسىرىلدى. سونداي-اق جەر قاتىناستارى, ساۋلەت جانە قالا قۇرىلىسى بولىگىندە ىشكى پروتسەستەر اۆتوماتتاندىرىلدى.
كەزدەسۋ سوڭىندا دەپۋتاتتار ءار جوبا بويىنشا ناقتى سۇراقتار قويدى. سونداي-اق پاندەميا كەزىندە مەملەكەتتىك قىزمەتتەردى اۆتوماتتاندىرۋدىڭ جانە تۇرعىنداردىڭ قاۋىپسىزدىگىن قامتاماسىز ەتۋدىڭ ماڭىزدىلىعىن اتاپ ءوتتى.
