باس قالاداعى ترياتلون ساياباعىندا تاۋەلسىزدىكتىڭ 30 جىلدىعىنا ارنالعان «Qysqy jügiru» جارىسى ۇيىمداستىرىلدى. شارانىڭ ماقساتى – تۇرعىندار اراسىندا بۇقارالىق سپورتتى ناسيحاتتاۋ.
[smartslider3 slider=1661]
جارىسقا قاتىسۋشىلار 10 شاقىرىم قاشىقتىقتى جۇگىرىپ ءوتتى. شاراعا 300-گە جۋىق كاسىبي جانە اۋەسقوي سپورتشىلار جينالدى.
«Qysqy jügiru» جارىسى 5 ءتۇرلى جاس كورسەتكىشى بويىنشا سايىستى. اتاپ ايتقاندا, 18-29 جاس, 29-39 جاس, 40-49 جاس, 50-59 جاس, 60 جاس جانە ودان جوعارى جاستاعى تۇرعىندار اراسىندا بولدى. ءاربىر قاتىسۋشى سەرتيفيكات پەن مەدالعا يە بولىپ, باعالى سىيلىقتارمەن ماراپاتتالدى.
بايان اسىلبەكوۆا
