نۇر-سۇلتان قالاسىندا «ايەلدەرگە قاتىستى زورلىق-زومبىلىقسىز 16 كۇن» رەسپۋبليكالىق شاراسى اياسىندا ءىس-شارالار وتۋدە.
– تۇرمىستىق قۇقىق بۇزۋشىلىق جاساۋعا بەيىم ادامداردى, قولايسىز وتباسىلاردى تەكسەرۋ جۇمىستارى جۇرگىزىلۋدە. قازىرگى تاڭدا بىزدە ەسەپتە تۇرعان 463 وتباسى تەكسەرىلدى. سونىڭ ىشىندە 342 ادامعا قاتىستى قورعاۋ نۇسقاماسى شىعارىلعان بولاتىن. بۇل ادامداردى ۋچاسكەلىك پوليتسيا ينسپەكتورلارى تۇرعىلىقتى مەكەنجايىنا بارىپ تەكسەردى. سونداي-اق بەينەبايلانىس ارقىلى دا تەكسەرۋ جۇرگىزىلدى. سونىمەن قاتار سوتپەن ءجۇرىس-تۇرىسىنا ەرەكشە تالاپ قويىلعان 70 ادام تەكسەرىلدى, – دەدى قالالىق پوليتسيا دەپارتامەنتى ايەلدەردى زورلىق-زومبىلىقتان قورعاۋ ءبولىمىنىڭ اعا ينسپەكتورى گۇلميرا شىراحمەتوۆا. اكتسيا 10 جەلتوقسانعا دەيىن جالعاسادى.
بۇدان بولەك, اكتسيا اياسىندا ەلوردالىق پوليتسيا دەپارتامەنتى مۇددەلى مەملەكەتتىك ورگاندارمەن, ۇەۇ وكىلدەرىمەن, جۇرتشىلىقتى جانە باق وكىلدەرىن تارتا وتىرىپ «جانۇيا» وتباسى ينستيتۋتىن قولداۋ ورتالىعىندا دوڭگەلەك ۇستەل وتكىزدى. وعان Zoom پلاتفورماسى ارقىلى دا تۇرعىندار قاتىستى. سونىمەن قاتار اكتسيا اياسىندا «ءۇمىت» داعدارىس ورتالىعىنا, «انالار ۇيىنە» بارىپ, ونداعى قىزمەت الۋشىلارعا پسيحولوگيالىق ترەنينگتەر وتكىزدى.
