استاناداعى ۇلتتىق اكادەميالىق كىتاپحانادا كورنەكتى عالىم, مەملەكەت جانە قوعام قايراتكەرى مىرزاتاي جولداسبەكوۆتىڭ كوللەكتسياسىنان قۇرالعان «تۇلعا بار دا, كىتاپ بار» اتتى كورمە ءوتتى. كورمەگە تۇلعانىڭ مەملەكەتتىك ماراپاتتارى, وعان سىيعا بەرىلگەن كىتاپتار مەن ءوزىنىڭ سوڭعى جىلدارى جارىق كورگەن ەڭبەكتەرى قويىلدى.
وسىدان ءتورت جىل بۇرىن عالىم ءومىر بويى جيناعان 10 مىڭنان استام كىتابىن اتالمىش كىتاپحاناعا سىيعا تارتقان ەدى. سوندا اشىلعان «مىرزاتاي جولداسبەكوۆتىڭ مەموريالدىق كىتاپ كوللەكتسياسى» زالىن بۇل جولى جاڭا ەڭبەكتەرى تولىقتىردى. بۇعان قوسا, كورمەگە كەلگەندەر ءار جىلدارى العان 79 مەدالى مەن ءتورت وردەنىن كوردى.
مادەنيەت جانە سپورت مينيسترلىگىنىڭ جاۋاپتى حاتشىسى قۋاتجان ۋاليەۆ, بەلگىلى عالىم عاريفوللا ەسىم, جازۋشى بولات بوداۋباي كوللەكتسيا يەسىنە جىلى لەبىزدەرىن جەتكىزدى. قاتيموللا بەردىعاليەۆ, ايگۇل ۇلكەنباەۆا, ۇلجان بايبوسىنوۆا سىندى ونەر ساڭلاقتارى جىر-تەرمەدەن شاشۋ شاشتى.
