تۇرعىن ۇيلەر گازعا قوسىلدى

استانادا بىرقاتار تۇرعىن ءۇي كەشەنى تابيعي گازعا ­اۋىستى. تۇرعىن ءۇي كەشەندەرىنە گازدىڭ بەرىلۋى ءتاريفتى بىرنەشە ەسە ارزانداتادى.

ەنەرگەتيكا ءمينيسترى ا.ساتقاليەۆ استانا قالاسىنىڭ تۇرعىندارىمەن ەسەپتىك كەزدەسۋ وتكىزدى.

كەزدەسۋ بارىسىندا «بۋداپەشت», «Cosmic City», «كۋرشەۆەل», «Family Town» تك تۇرعىندارى اۆتونومدى گاز قازاندىعىن قىمبات سۇيىتىلعان گازدان جىلىتۋ گازىنا اۋىستىرۋ ماسەلەسىن كوتەردى.

مينيستر ۋاكىلەتتى ورگاندار مەن ۇيىمدارعا گازداندىرۋ ماسەلەلەرىن جەدەل شەشۋ تۋرالى بىرقاتار تاپسىر­ما بەردى.

«بۇگىندە «بۋداپەشت» جانە «Cosmic City» تك اۆتونومدى گاز قازاندىعى جىلىتۋ گازىنا اۋىستىرىلدى, «Family Town» قازاندىعى بويىنشا قازاندىقتاردىڭ وتتىق تۇتىكشەلەرىن گازعا اينالدىرۋدى قايتا رەتتەۋ جۇمىسى جۇرگىزىلۋدە» دەلىنگەن مينيسترلىك اقپاراتىندا.

تابيعي گازعا اۋىستىرۋ اتالعان تۇرعىن ءۇي كەشەندەرىنە گازدىڭ ۇزدىكسىز بەرىلۋىن قامتاماسىز ەتەدى جانە تۇرعىندار ءۇشىن ءتاريفتى بىرنەشە ەسە ارزانداتادى.