تۇرعىن ءۇيدىڭ جاعدايى انىقتالادى
ەلوردا اكىمدىگى كوپپاتەرلى تۇرعىن ۇيلەردىڭ (كتۇ) احۋالىنا باقىلاۋ جۇرگىزۋ جانە ءاربىر كتۇ-ءدىڭ تەحنيكالىق جاعدايىن انىقتاۋعا كىرىستى.
باقىلاۋ مىناداي تارماقتار بويىنشا جۇرگىزىلەدى:
1 – قاسبەتى توزعان ۇيلەر;
2 – شاتىرىنان سۋ اعاتىن ۇيلەر;
3 – جەراستى سۋلارىنىڭ اسەرىنەن جەرتولەسىن سۋ باسقان ۇيلەر;
4 – كىرەبەرىسىندە جىلۋ رادياتورلارى قوسىلماعان, تەرەزەلەرى سىنعان, كىرەتىن ەسىكتەرى سىنعان نەمەسە جابىلمايتىن, ەلەكتر قۋاتى قالقانى جوق ۇيلەر جانە ت.ب.
نۇر-سۇلتان قالاسىنىڭ قالالىق ورتانىڭ ساپاسىن باقىلاۋ باسقارماسى ەلوردالىقتارعا مىناداي ءوتىنىش بىلدىرەدى: تۇرعىن ۇيلەردىڭ احۋالى تۋرالى ەسكەرتۋ, ۇسىنىس, تىلەك, يدەيالارىڭىزدى
@ukkgs.astana.kz, @ukkgs_astana ەلەكتروندى مەكەنجايىنا, نەمەسە 8 7756714828 WhatsApp نومىرىنە جولداڭىزدار. قالا تۇرعىندارىنىڭ بارلىق ەسكەرتۋلەرى كەشەندى ءىس-شارالار جوسپارىن جاساۋ بارىسىندا نازارعا الىنادى.
«ءبىز ەلوردالىقتاردىڭ وي-پىكىرىن ەسكەرمەي, جۇمىس باستامايمىز. قالاداعى ماسەلەلەرگە قاتىستى ماڭىزدى يدەيالار, ەسكەرتۋلەر مەن پىكىرلەردى ءبىر جەرگە جيناقتاۋ ءوز قالامىزدى بىرلەسىپ گۇلدەندىرۋگە مۇمكىندىك بەرەدى» دەيدى باسقارما باسشىسى تولەگەن قۇلىشەۆ.