تۇرعىندار تىلەگى – تۇراقتى نازاردا

1998 جىلعى 6 مامىردا ەل پرەزيدەنتىنىڭ جارلىعىمەن قازاقستان رەسپۋبليكاسىنىڭ استاناسى – اقمولا قالاسى استانا قالاسى بولىپ وزگەردى. وسى كۇنى ەلوردادا الماتى جانە سارىارقا اۋداندارى قۇرىلدى. سودان بەرى الماتى اۋدانى دامۋدىڭ بىرنەشە كەزەڭىنەن ءوتتى. كەيىنگى جىلدارى حالىق سانىنىڭ وسۋىنە جانە قالانىڭ دامۋىنا بايلانىستى 2008 جىلى اۋدان اۋماعىنىڭ ءبىر بولىگى جاڭادان قۇرىلعان ەسىل اۋدانىنا, ال 2018 جىلى بايقوڭىر اۋدانىنا بەرىلدى.

بۇگىندە ەلوردانى كوركەيتۋگە ەلەۋلى ۇلەس قوسىپ كەلە جاتقان اۋدان اكىمى ماقسات ­ساماتۇلىمەن سۇحباتتاسۋدىڭ ءساتى ءتۇستى. اڭگىمە بارىسىندا وسى اۋداننىڭ الەۋمەتتىك-­ەكونوميكالىق دامۋى مەن تىنىس-تىرشىلىگى كەڭىنەن ءسوز بولدى.

– ماقسات ساماتۇلى, تۇرعىندارمەن ۇنەمى كەزدەسۋلەر وتكىزىپ تۇراسىز. بۇگىنگى تاڭدا ولاردى نەندەي ماسەلەلەر كوبىرەك تولعاندىرادى؟

– جىل باسىنان بەرى اۋدان اكىمى رەتىندە 58 جەكە قابىلداۋ وتكىزىپ, 380 ازاماتتى قابىلدادىم. وندا 585 سۇراق تالقىلاندى. ونىڭ ىشىندە ەڭ كوبى ماتەريالدىق جانە ازىق-تۇلىكتىك كومەك كورسەتۋ, اباتتاندىرۋ, كوگالداندىرۋ, مۇلىك يەلەرىنىڭ بىرلەستىگىن قۇرۋ, زاڭگەرلىك كومەك كورسەتۋ جانە ت. ب. توڭىرەگىندە بولدى. ولاردىڭ 55 پايىزى ءوز شەشىمىن تاپتى. سونىمەن بىرگە تۇرعىنداردى باسپانا, جاردەماقى, اتاۋلى الەۋمەتتىك كومەك, پيك جانە ميب جۇمىسى, ورتا كاسىپكەرلىك ءۇشىن جەر تەلىمدەرىن ءبولۋ, جولدار مەن جەلىلەردى, ءبىلىم بەرۋ نىساندارىن سالۋ ماسەلەلەرى ءجيى مازالايدى. بۇل رەتتە ءتۇسىندىرۋ جۇمىسى جۇرگىزىلدى.

– قازىرگى كەزدەگى ەڭ وزەكتى پروبلەمانىڭ ءبىرى – ەلوردانى گازداندىرۋ. بۇل باعىتتا قانداي جۇمىس جۇرگىزىلىپ جاتىر؟ اۋدان تۇرعىندارى تولىعىمەن گازداندىرىلدى ما؟

– الماتى اۋدانى بو­يىنشا 5 تۇرعىن ءۇي الابى مەن 1 شاعىن اۋداننىڭ تۇتىنۋشىلارى گازبەن قامتاماسىز ەتىلگەن. بۇل گازداندىرۋ جۇمىسى 2019 جىلى باستالعان بولاتىن, ال ۇيلەردى گازعا قوسۋ 2021 جىلدىڭ باسىندا باستالدى. سودان بەرى گازداندىرۋ بو­يىنشا جۇمىس شەڭبەرىندە 6580 ابونەنتتىڭ 5162-سىنە تەحنيكا شارتى بەرىلدى, 4962 ابونەنت, ونىڭ ىشىندە 252 شاعىن جانە ورتا بيزنەس, سونداي-اق فتيزيوپۋلمونولوگيا ورتالىعى, قالالىق جۇقپالى اۋرۋلار ورتالىعى, «اق قانات» بالاباقشاسى, №57 ورتا مەكتەپ سىندى الەۋمەتتىك نىسان, 5 كوپپاتەرلى تۇرعىن ءۇي, اتاپ ايتساق, «ەسىل» تك – سۇتكەنت كوشەسى, 30 جانە 30/1, «تابىس» تك – م.تولەباەۆ كوشەسى, 25, قاپال كوشەسى, 1/1, ا-123 كوشەسى, 7-ءۇي گازعا قوسىلدى.

بارلىعى 4 ىسكە قوسۋ كەشەنى بويىنشا 29 گاز رەتتەۋ پۋنكتى ورناتىلىپ, 298 شاقىرىمنان استام جەلى سالىندى. 2021 جىلى – 1613 ابونەنت, 2022 جىلى – 2775 ابونەنت, 2023 جىلى 574 ابونەنت گازعا قوسىلدى.

سونداي-اق بيىل «100 يگى ءىس» باعدارلاماسى اياسىندا «حالىق بانكى» اق ءوز قاراجاتى ەسەبىنەن 32 ابونەنتتى گازعا قوستى. ولار: حالىقتىڭ از قامتىلعان توبى مەن زەينەتكەرلەر. جالپى اۋدانىمىزدا گازداندىرۋ جۇمىسىن الداعى جىلدىڭ سوڭىنا دەيىن اياقتاۋ جوسپارلانىپ وتىر.

– اۋدان اۋماعىنداعى جولداردىڭ جاعدايى قالاي؟ بيىل قاي كوشەلەر جوندەلدى؟

– الماتى اۋدانىنداعى جولدار ينفراقۇرىلىمدى دامىتۋ جوسپارىنا سايكەس تۇراقتى تۇردە جوندەۋدەن وتكىزىلىپ تۇرادى. بيىل ۇزىندىعى 10,2 شاقىرىمدى قۇرايتىن 17 كوشە جوندەلدى. ونىڭ ىشىندە اۋداننىڭ تۇرعىن الاپتارىندا ۇزىندىعى 2,72 شاقىرىمدى قۇرايتىن 6 كوشە بار.

سونىمەن قاتار بيىل جولداردىڭ زاقىمدانۋىنا بايلانىستى «ءىKOMEK109» وپەراتورىنا 961 ءوتىنىم ءتۇستى. ولاردىڭ اراسىندا ابىلايحان, ب.مايلين, كۇيشى دينا, ق.ساتباەۆ كوشەسى جانە «مىڭجىلدىق» اللەيا­سى بار. تۇرعىندار ءوتىنىشى نەگىزىندە ورامىشىلىك جولدار مەن تروتۋارلار جوندەلدى.

بۇگىنگى تاڭدا ج.ناجىمەدەنوۆ, 20ا, 16; قورداي, 79, 79ا, 100; ر.قوشقارباەۆ, 50; بەحتەرەۆا, 17/1; ق.قۋانىشباەۆ, 14; ش.قالداياقوۆ, 23ا مەكەنجايىندا اسفالت توسەۋ جۇمىسى جۇرگىزىلدى. جالپى اۋدانى 2500 شارشى مەتر جەر جوندەلدى. قازىرگى كەزدە تۇرعىنداردىڭ تىلەگىمەن شۇڭقىرلاردى جوندەۋ جۇمىسى كۇندەلىكتى جۇرگىزىلۋدە.

قازىرگى تاڭدا اۋدان اۋماعى – 15 471 گا, تۇرعىنداردىڭ سانى – 376 مىڭ, جانە اۋداندا 6 تۇرعىن الابى (128 943 ادام) ورنالاسقان. ولار: «پرومىشلەننىي», «جەلەزنودوروجنىي», «ينتەرناتسيونالنىي», «ميچۋرينو», «كۇيگەنجار» جانە «وڭتۇستىك-شىعىس» شاعىن اۋدانى.

«وڭتۇستىك-شىعىس» شاعىن اۋدانى

حالىق سانى – 80 000 ادام.

«پرومىشلەننىي» تۇرعىن الابى

حالىق سانى – 20 875 ادام.

«جەلەزنودوروجنىي» تۇرعىن الابى

حالىق سانى – 13 526 ادام.

«ينتەرناتسيونالنىي» تۇرعىن الابى

حالىق سانى – 11 000 ادام.

«ميچۋرينو» تۇرعىن الابى

حالىق سانى – 2 407 ادام.

«كۇيگەنجار» تۇرعىن الابى

حالىق سانى – 1 135 ادام.

مەملەكەتتىك مەكتەپتەردىڭ سانى – 28;

مەكتەپتەگى وقۋشىلار سانى – 60 997;

جەكەمەنشىك مەكتەپتەردىڭ سانى – 9;

ءۇش اۋىسىمدا وقيتىن مەكتەپتەر سانى – 3 (№13, 53, 83).

مەملەكەتتىك بالاباقشالاردىڭ سانى – 28;

بالاباقشاداعى بالالار سانى – 8 772.

جەكەمەنشىك بالاباقشالاردىڭ سانى – 170.

«حالىق قاتىساتىن بيۋدجەت» جوباسى اياسىندا بيىل 70 جوبا ۇسىنىلىپ, ولاردىڭ 68-ءى ماقۇلداندى. ونىڭ 62-ءسى اۋلانى اباتتاندىرۋعا, 6-ۋى سۋ بۇرۋعا قاتىستى بولدى. جالپى بۇگىندە اۋدانىمىزدا 465 اۋلا بار. ونىڭ 155-ءى كۇردەلى جوندەۋدى قاجەت ەتەدى. ءبىز بۇل كورسەتكىشتى جىلدان-جىلعا جۇيەلى تۇردە ازايتىپ كەلەمىز. سوڭعى 3 جىلدا 175 اۋلا جانە 25 قوعامدىق ورىن اباتتاندىرىلدى.

سۋدى بۇرۋ بويىنشا 6 ۋچاسكەنىڭ 5-ەۋى جۇزەگە اسىرىلدى, ال «ميللەنيۋم پارك» تۇرعىن ءۇي كەشەنى, «جانۇيا» تۇرعىن ءۇي كەشەنى شەكارالارىندا: ر.قوشقارباەۆ – قورداي – ا.بايتۇرسىنوۆ – م.تىنىشباەۆ – ش.قالداياقوۆ – ەسىل وزەنىنىڭ بويىندا – اقبۇلاق وزەنى – تاۋەلسىزدىك داڭعىلىندا جەراستى ينجەنەرلىك جەلىلەرى بولعاندىقتان, جۇمىس جۇرگىزۋ مۇمكىن ەمەس.

– قوعامدىق كەڭىستىكتەر تۋرالى نە ايتاسىز؟

– قوعامدىق كەڭىستىكتەردى دامىتۋ – ءبىزدىڭ باستى مىندەتىمىزدىڭ ءبىرى. ويتكەنى قالا تۇرعىندارى مەن قوناقتارى بوس ۋاقىتىن جايلى جانە دەنساۋلىعىنا پايدالى تۇردە وتكىزە الاتىن جاڭا تارتىمدى ورىنداردىڭ اشىلۋى ءبارىمىز ءۇشىن ماڭىز­دى دەپ ويلايمىن. مۇنداي قوعامدىق كەڭىستىكتەردىڭ اشىلۋىنا قالا اكىمى دە ۇلكەن ءمان بەرەتىنىن اتاپ وتكەن ءجون. وسىعان بايلانىستى بيىل اۋدانىمىزدا 8 قوعامدىق كەڭىستىك, اتاپ ايت­ساق, ق.ساتباەۆ كوشەسىندەگى كەڭىستىك, اقبۇلاق وزەنىنىڭ جاعالاۋى, ك.ازىرباەۆ, 10, تاۋەلسىزدىك-ر.قوشقارباەۆ قيىلىسىنداعى كەڭىستىك, قورداي, 100-كوشەدەگى كەڭىستىك, قورداي-تايقازان قيىلىسىنداعى, ا.حراپاتىي كوشەسىندەگى كەڭىستىك جانە «ارقار» كوپىرىنىڭ استىنداعى بوكس الاڭى.

ق.ساتباەۆ كوشەسىندەگى كەڭىستىك, اقبۇلاق وزەنىنىڭ جاعالاۋى, ك.ازىرباەۆ, 10, تاۋەلسىزدىك-ر.قوشقارباەۆ قيىلىسىنداعى كەڭىستىك, قورداي, 100-كوشەدەگى كەڭىستىك, قورداي-تايقازان قيىلىسىنداعى, ا.حراپاتىي كوشەسىندەگى كەڭىستىك جانە «ارقار» كوپىرىنىڭ استىنداعى بوكس الاڭى اباتتاندىرىلدى. وتكەن جىلى «ۆسترەچا» ءسۇ, «دوستىق» ساياباعى, ابىلاي حان داڭعىلى, ر.قوشقارباەۆ داڭعىلى جانە قورداي كوشەسىنىڭ قيىلىسى, «جەلەزنودوروجنىي» تۇرعىن الابى, «ينتەرناتسيونالنىي» تۇرعىن الابى جانە پرەزيدەنت ساياباعىنداعى امفيتەاتر اباتتاندىرىلدى.

قالا اكىمى ايتقانداي, كەلەسى جىلى ءبىز, قانىش ساتباەۆ كوشەسىن مىسالعا الا وتىرىپ, جاياۋ جۇرگىنشىلەر كەڭىستىگىن دامىتۋدى جال­عاستىرامىز دەپ جوسپارلاپ وتىرمىز. جوسپارعا ابىلاي حان داڭعىلىنىڭ اقبۇلاق وزەنىنىڭ جاعالاۋىنان ­ب.مومىشۇلى داڭعىلىنا دەيىنگى بولىگىن اباتتاندىرۋ كىرەدى. اقبۇلاق وزەنىنىڭ جاعالاۋىن اباتتاندىرۋ دا ابىلاي حان داڭعىلىنان اممان كوشەسىنە دەيىنگى اباتتاندىرىلعان اۋماقتان جالعاسادى.

2024 جىلى ابىلاي حان داڭعىلىن اقبۇلاق وزەنىنىڭ جاعاسىنان ماناس كوشەسىنە دەيىن, ماناس كوشەسىنەن ب.مومىشۇلى داڭعىلىنا دەيىن جانە ابىلاي حان داڭعىلىنان اممان كوشەسىنە دەيىن اباتتاندىرۋ جوسپارلانىپ وتىر.

– تۇرعىنداردى تولعاندىرعان تاعى ءبىر ماسەلە – مەكتەپ پەن بالاباقشانىڭ جەتىسپەۋى. بۇل قاشان شەشىلەدى؟

– ارينە, مەكتەپتەر مەن بالاباقشالاردىڭ جەتىسپەۋشىلىگى ماسەلەسى ءبىزدى قاتتى الاڭداتادى. سوندىقتان بارلىق تۇرعىنداردىڭ قاجەتتىلىكتەرىن قاناعاتتاندىرۋ ءۇشىن جاڭا ءبىلىم بەرۋ مەكەمەلەرىن سالۋ جانە قولدانىستاعىلارىن كەڭەيتۋ بويىنشا جۇمىس جۇرگىزىلىپ جاتىر. بۇل جايلى قالا اكىمى 24 جايلى مەكتەپ قۇرىلىسىنىڭ باستالعانى تۋرالى ايتقان بولاتىن.

سونىمەن قاتار استانا قالاسىنىڭ حالىق سانى سوڭعى جىلدارى جوعارى قارقىنمەن ءوسىپ جاتىر. ەگەر 2022 جىلى 1-سىنىپ­قا بارعان بالالاردىڭ سانى 4700 بولسا, وسى جىلى 5000-عا ءوستى. سوندىقتان وسى جىلى اۋدانىمىزدا مەكتەپتەردى كەڭەيتۋ بويىنشا جۇمىس جۇرگىزىلىپ جاتىر. بيىل 600 ورىندىق ءبىر مەكتەپكە قوسىمشا جاپسارجاي سالۋ اياقتالدى, ەكىنشىسى وسى جىلدىڭ سوڭىنا دەيىن اياقتالادى دەپ جوسپارلانىپ وتىر. 1200 ورىندىق تاعى ەكى مەكتەپكە قوسىمشا جاپسارجاي سالۋ بيىل جىلدىڭ اياعىندا باستالىپ, 2024 جىلى اياقتالادى.

سونداي-اق 4 جايلى مەكتەپتىڭ قۇرىلىسى جوسپارلانۋدا, قازىرگى ۋاقىتتا ونىڭ ۇشەۋىندە قۇرىلىس جۇمىسى باستالىپ كەتتى. تاعى ءبىر ايتا كەتەتىن جايت, ءبىز قولدانىستاعى مەكتەپتەردىڭ جاعدايىن جاقسارتۋ ءۇشىن دە جۇمىس ىستەپ جاتىرمىز. بيىل 2 مەكتەپ: №51 جانە №57 ورتا مەكتەپ كۇردەلى جوندەۋدەن ءوتتى. ال بالاباقشا ماسەلەسىنە كەلەتىن بولساق, 2017 جىلدان باستاپ اكىمدىك بالاباقشا سالعان جوق, سول ۋاقىتتان بەرى سالىنعان بالاباقشالاردىڭ بارلىعى جەكەمەنشىكتە. سوندىقتان جەڭىس ماحمۇدۇلى اتاپ وتكەندەي, بالاباقشالار تاپشىلىعىن جويۋ ءۇشىن الداعى 3-4 جىلدىڭ ىشىندە ەلوردامىزدا كەمىندە 60 مەملەكەتتىك بالاباقشا سالۋ جوسپارلانىپ وتىر.

– قوعامدىق كولىك قوز­عالىسىنا تۇرعىنداردىڭ كوڭىلى تولا ما؟ نەگىزى, قالا سىرتىنداعى تۇرعىندارعا اۆتوبۋس مارشرۋتى جەتكىلىكتى مە؟

– قازىرگى تاڭدا حالىق سانىنىڭ كۇرت وسۋىنە بايلانىستى قوعامدىق كولىكتىڭ جەتىسپەۋشىلىگى بار. بۇل تۋرالى قالا باسشىسى دا ايتىپ كەتكەن بولاتىن. سوندىقتان قوعامدىق كولىكتىڭ تاپشىلىعىن ازايتۋ ءۇشىن وسى جىلى شامامەن 400 اۆتوبۋس الدىرتۋ جوسپارلانىپ, قازىرگى ۋاقىتتا ونىڭ 200-ءى ءوز جۇمىسىن باستادى.

جىل باسىنان بەرى الماتى اۋدانىنىڭ مارشرۋت جەلىسىن جاڭعىرتۋ بويىنشا 4 باعىتتا كەشەندى جۇمىس جۇرگىزىلدى: 1. جاڭا مارشرۋتتى ىسكە قوسۋ اياسىندا اعىمداعى جىلدىڭ 31 تامىزىندا «تولە بي كوشەسى» – «نۇرلى جول» تەمىرجول ۆوكزالى» قاتىناسىمەن №57 جاڭا قالالىق مارشرۋت ىسكە قوسىلدى. 2. مارشرۋت سحەمالارىن جەتىلدىرۋ, ايالداما قوسۋ. 3. قوزعالىس كەستەسىن وڭتايلاندىرۋ. 2023 جىلدىڭ 1 قاڭتارىنان باستاپ قازىرگى ۋاقىتقا دەيىن استانا قالاسىنىڭ قوعامدىق كولىكتەرىن مارشرۋتتارداعى قوزعالىس كەستەسىن ۇلعايتۋ ارقىلى وڭتايلاندىرۋ جۇمىسى جۇرگىزىلىپ, 16 باعىت بويىنشا 24 بىرلىككە ءوستى. 4. جىلجىمالى قۇرامدى جاڭارتۋ. جاڭا اۆتوبۋس­تاردى جەتكىزۋ اياسىندا الماتى اۋدانىنداعى №3, 14, 15, 15ا, 32, 43, 50, 54, 61, 64 مارشرۋتتارى بويىنشا جىلجىمالى قۇرامدى جاڭارتۋ جۇمىسى جۇرگىزىلدى.

جالپى مەن الماتى اۋدانىنىڭ اكىمدىگىندە 2012 جىلدان باستاپ قىزمەت اتقارىپ كەلەمىن, اۋداننىڭ ارتىق-كەم تۇسىنىڭ بارلىعىن بىلەمىن دەسەم ارتىق ايتقانىم بولماس. وسى 10 جىلدان استام ۋاقىت ىشىندە ۇلكەن تاجىريبە جيناپ, سونىڭ نەگىزىندە قازىرگى تاڭدا ارىپتەستەرىمىزبەن بىرگە اۋدانىمىزدى كوركەيتۋ ءۇشىن جۇمىس ىستۋدەمىز. ال ەندى وسى اۋدانعا اكىم بولعان ۋاقىتتان بەرى اتقارىلعان جۇمىستارعا كەلەتىن بولساق, بۇل رەتتە نەگىزگى جۇمىستار اۋلالاردى جانە قوعامدىق كەڭىستىكتى اباتتاندىرۋعا باعىتتالدى. مىسالى, اۋدانىمىزداعى 465 اۋلانىڭ 155-ءى جوندەۋدى قاجەت ەتەدى, قالعانى اباتتاندىرىلعان. سوعان بايلانىستى وسى جىلى 62 اۋلادا اباتتاندىرۋدى جوسپارلادىق. قازىرگى تاڭدا ونىڭ 55-ءىنىڭ جۇمىسى اياقتالدى, ال 7-ەۋىنىڭ جوندەۋ جۇمىسى جىل سوڭىنا دەيىن اياقتالادى.

قوعامدىق كەڭىستىكتەرگە كەلەتىن بولساق, باستاپقىدا 4 قوعامدىق كەڭىستىكتى اباتتاندىرۋ جوسپارلانعان بولاتىن, بىراق تۇرعىنداردىڭ ءوتىنىشى بويىنشا ولاردىڭ سانىن 8-گە دەيىن وسىردىك. تۇرعىنداردىڭ تىلەگىمەن العاش رەت تروتۋارلاردى اباتتاندىرۋ جۇرگىزىلۋدە, 18 ۋچاسكە قامتىلدى, ونىڭ 10-ى الەۋمەتتىك نىسانداردىڭ جانىنا 4 شاقىرىم اسفالت توسەلدى.

جارىقتاندىرۋ بويىنشا اۋدانىمىزدا وتكىزىلگەن جۇمىستار بارىسىندا جكۋ شامدارىنىڭ 93 پايىزى جارىقديودتى شامدارعا اۋىستىرىلدى, ۇيلەردىڭ كىرەبەرىسىنە 1000-نان استام شام ورناتىلدى, ساياباقتار مەن سكۆەرلەردە 340 جارىقتاندىرۋ تىرەگى ورناتىلدى, ونىڭ ىشىندە 39 تىرەك «جەرۇيىق» پاركى, «ۆسترەچا» ءسۇ الاڭى, مەرەكە بويىنداعى سكۆەر, «الما» سكۆەرى, پرەزيدەنت ساياباعى, قازاق اۋىلى, سۇتكەنت كوشەسى, 30, ر.قوشقارباەۆ سكۆەرىندە ورناتىلدى. جارىقتاندىرىلماعان 16 ورامىشىلىك اۋماقتا جارىقتاندىرۋ جۇمىسى جۇرگىزىلۋدە. جىل باسىنان بەرى 8000 اعاش, 506 مىڭ بىرجىلدىق گۇلدەر وتىرعىزىلدى.

– ماقسات ساماتۇلى, باس قالانىڭ قاي جەرى سىزگە ەرەكشە ۇنايدى؟

– استانا ەلىمىزدىڭ باس قالاسى رەتىندە ومىرىمدە ەرەكشە ورىن الادى. بۇل قالا ومىرىمدەگى ماڭىزدى ساتتەردىڭ كۋاسى بولدى. ويتكەنى استانادا وتباسىن قۇردىم, بالالارىم دۇنيەگە كەلدى, اتا-انامدى قاسىما كوشىرىپ الدىم. مەن قازىرگى قازاقستاننىڭ سيمۆولى بولعان اسەم قالادا تۇرىپ, جۇمىس ىستەپ جاتقانىمدى ماقتان تۇتامىن.

ەلوردانىڭ ماعان ۇنايتىن جەرلەرى – اۋدانىمىزدا ورنالاسقان «ترياتلون» ساياباعى جانە بوتانيكالىق ساياباق. مەن, نەگىزى, ساياباقتاردا سەرۋەندەگەندى جاقسى كورەمىن, ال بۇل جەرلەر تابيعاتپەن وڭاشا بولعىسى كەلەتىندەر نەمەسە قالانىڭ قاربالاسىنان دەمالعىسى كەلەتىندەر ءۇشىن تاماشا ورىن دەپ سانايمىن. جالپى اۋدان تۇرعىندارىنا العا قويعان ماقساتىنا جەتۋ جولىندا تاۋسىلماس ىنتا, كۇش پەن تاباندىلىق تىلەيمىن. «بىرلىك ءتۇبى – بەرەكە» دەگەندەي, بارلىعىمىز بىرلەسە اۋدانىمىزعا قامقورلىق جاساپ, ءوز كۇشىمىزدى سالىپ, ونىڭ ءومىر سۇرۋگە ىڭعايلى جانە جايلى ورىنعا اينالۋىنا سەپتىگىمىزدى تيگىزەيىك!