استانا قالاسى جاستار ساياساتى ماسەلەلەرى باسقارماسىنىڭ قولداۋىمەن ەلوردالىق كارىستەردىڭ ەتنومادەني بىرلەستىگى ۇلتتىق سپورت تۇرلەرىنەن سايىس وتكىزدى. شاراعا قالاداعى قازاق, قىرعىز, كارىس, تاتار, نەمىس, تۇرىك جانە باسقا دا ەنومادەني بىرلەستىكتەردىڭ جاستارى ات سالىستى.
وسىنداي يگى باستامالار ارقىلى بۇگىنگى بۋىندى بەلسەندى قوعامدىق ومىرگە تارتۋعا باعىتتالعان جارىستىڭ اشىلۋ سالتاناتىندا قىرعىز ەتنومادەني بىرلەستىگى توراعاسى شاۆكات يسمايلوۆ, №1 مەكتەپ-ليتسەي ديرەكتورى ايداربەك مەڭدىباەۆ, يۋنۋس ەمرە اتىنداعى تۇرىك مادەني ورتالىعىنىڭ ديرەكتورى يبراحيم يىلدىرىم ءسوز سويلەدى.
ءار ءتۇرلى ۇلتتىڭ جەتكىنشەكتەرى اسىق اتۋ, بەس تاس, شىلدىك ويىندارى ارقىلى باقتارىن سىناپ, جۇلدەگە تالاستى. جەڭىمپازدار ۇيىمداستىرۋشىلار تاراپىنان دايىندالعان ديپلوممەن ماراپاتتالىپ, سىي-سياپات الدى.
دينارا جاقسىلىققىزى
