قازان – قازاقستاندا ۇلكەندەرگە قامقورلىق كورسەتۋ داستۇرگە اينالعان اي. بۇل كۇندەرى ەگدە ادامداردى الەۋمەتتىك قولداۋ ايلىعى وتەدى. قوعامدىق بىرلەستىكتەر, مەملەكەتتىك ورگاندار وكىلدەرى مەن ەلدىڭ قاراپايىم ازاماتتارى ۇلكەندەرگە ەرەكشە كوڭىل ءبولىپ, قامقورلىق تانىتادى. وسى رەتتە ەلوردا اكىمدىگىنىڭ, سونىمەن بىرگە اۋەلى تسەلينوگراد, سوسىن اقمولا جانە اقىرىندا ەلورداسى – استانانىڭ جەرگىلىكتى اتقارۋشى ورگاندارىندا ءار جىلدارى ەڭبەك ەتكەن ارداگەرلەر دە نازاردان تىس قالماي, ولاردىڭ باسىن قوسقان جيىن ءوتتى.
كەزدەسۋدى ءسوز سويلەپ اشقان, اكىمدىك جانىنداعى باستاپقى ارداگەرلەر ۇيىمىنىڭ توراعاسى ا.جاناتاەۆ جيىنعا قاتىسقانداردى مەرەكەمەن قۇتتىقتاپ, ولاردىڭ قاتارىمىزدا ۇزاق تا تىڭ قالپىندا جۇرۋىنە تىلەكتەستىك ءبىلدىردى.
– سىزدەردىڭ تاباندى ەڭبەگىڭىز وسكەلەڭ ۇرپاق ءۇشىن ۇلگى مەن ونەگە بولدى. سەبەبى سىزدەر ەلوردانىڭ قالىپتاسۋى مەن دامۋىنا تىكەلەي قاتىسىپ, بەل ورتاسىندا جۇردىڭىزدەر, – دەپ اتاپ ءوتتى ول.
قالالىق ىشكى ساياسات باسقارماسىنىڭ باسشىسى ن.ءالمۇحانوۆ پەن ونىڭ ورىنباسارى ا.ءسابيت تە قۇتتىقتاۋ تىلەكتەرىن جەتكىزدى. سونىمەن قاتار اعا بۋىن وكىلدەرىنە ۇدايى قامقور كوڭىل ءبىلدىرىپ, قولداعانى ءۇشىن قالا اكىمى جەڭىس قاسىمبەككە, قالا اكىمى اپپاراتىنىڭ باسشىسى د.ەشكەەۆكە العىس ايتىلدى.
كەزدەسۋ بارىسىندا تانىمال اندەردى شىرقاعان ونەرپازدار كوپشىلىكتىڭ كوڭىلىن كوتەرىپ, مەرەكەلىك كوڭىل-كۇي سىيلادى. جيىننان ەستەلىك رەتىندە بارلىق قاتىسۋشىلارعا «استاناعا 25 جىل» كىتابى سىيلىق رەتىندە بەرىلدى.
